ხვალ “მიხეილ მესხზე” 19-წლამდე ვეროპის ჩემპიონატის ჯგუფური ეტაპის მესამე ტურის შეხვედრაში საქართველოს ნაკრები ჩეხეთის ეროვნულ გუნდს დაუპირისპირდება. ჯგუფიდან გასასვლელად მხოლოდ მოგება გვჭირდება.
საინტერესო შეხვედრის წინ Fanebi.Com-ს ჩვენი ნაკრების კაპიტანი, დავით კობაური ესაუბრა.
“გუნდში ასეთი საბრძოლო განწყობა არასდროს ყოფილა! შესანიშნავი ატმოსფერო სუფევს და ხვალ დიდი გამარჯვების მოპოვებას ვაპირებთ. ჩეხეთის დამარცხება ერთიანობით და ბრძოლით შეგვიძლია. ტაქტიკურად გამართულ ფეხბურთს ვითამაშებთ, რომელთანაც ინდივიდუალიზმი იქნება შეზავებული. ეს ყველაფერი კი შედეგს აუცილებლად მოიტანს!”
“ევროპის ჩემპიონატი რთული ტურნირია, სადაც ნებისმიერი მეტოქე დიდ ძალას წარმოადგენს. ჩვენი მაქსიმუმი ყველა თამაშის მოგება იქნება. ამას მხოლოდ გულშემატკივრის გვერდში დგომით მოვახერხებთ! მათ ვთხოვ, რომ მოვიდნენ და მხარი დაგვიჭირონ!” – განაცხადა კაპიტანმა.