ჭდე: დანი სებალოსი

“რეალ ბეტისის” დირექტორი, ანხელ ჰარო ადასტურებს ინფორმაციას, რომლის მიხედვითაც, კლუბის კუთვნილებაში მყოფი დანი სებალოსი მომავალი სეზონიდან მადრიდის “რეალში” გააგრძელებს კარიერას.

“დანიმ ჩვენი წინადადება კონტრაქტის გახანგრძლივების თაობაზე უარყო. ამის შემდეგ, “რეალის” ხელმძღვანელები დაგვიკავშირდნენ და გვითხრეს, რომ ფეხბურთელთან სიტყვიერ ხელშეკრულებას მიაღწიეს.

ამ დროისთვის ორივე კლუბი მუშაობს ტრანსფერზე. მომდევნო საათებში, ან დღეებში ყველაფერი გაოფიციალურდება,” – აცხადებს ჰარო.

შეგახსენებთ, რომ 20 წლის ესპანელი ფეხბურთელი ფეხბურთის ამომავალ ვარსკვლავად ითვლება და მისი გადაბირების სურვილს კატალონიური “ბარსელონაც” გამოთქვამდა.

“რეალ ბეტისის” ხელმძღვანელებმა კლუბის ახალგაზრდა ნახევარმცველს, დანი სებალოსს 24 საათი მისცეს გადაწყვეტილების მისაღებად, მისი პასუხი კი კატეგორიული იყო: დანის მხოლოდ “ბერნაბეუზე” სურს თამაში.

შედეგად. სებალოსის წარმომადგენელმა, მარგარიტა გარაიმ ყველა სხვა მოლაპარაკებები დაასრულა – ტრანსფერი კი ოფიციალურად ამ დღეებში უნდა დადასტურდეს.

გეტყვით იმასაც, რომ “რეალის” ფეხბურთელები მუშაობას ორშაბათიდან უბრუნდებიან, ზიდანს კი სურს, რომ ესპანეთის 21-წლამდელთა გუნდის ვარსკვლავი იმ დროისთვის “ბერნაბეუზე” იყოს.

რაც შეეხება კონტრაქტს, მადრიდელები სებალოსს 5-წლიან კონტრაქტსა და სასტარტო შემადგენლობაში გარანტირებულ ადგილს პირდებიან.

შეგახენებთ, რომ სებალოსის გადაბირებას საკმაოდ აქტიურად ცდილობდა “ბარსელონაც”, თუმცა ესპანელმა არჩევანი “რეალზე” გააკეთა.