ოფიციალურად: “ჩელსიმ” ანტონიო რუდიგერი გაიფორმა

“რომას” მცველი ანტონიო რუდიგერი კარიერას ინგლისის პრემიერლიგაში გააგრძელებს. 24 წლის ფეხბურთელი ლონდონის “ჩელსის” შეუერთდა.

მხარეებს შორის ხუთწლიანი შრომითი ხელშეკრულება გაფორმდა. რუდიგერი ინგლისური გუნდის რიგებში ორნომრიანი მაისურით ითამაშებს. “რომა” გერმანელი ფეხბურთელის სანაცვლოდ 35 მილიონ ევროს და ბონუსის სახით კიდევ ოთხ მილიონს მიიღებს.

“თავს უბედნიერესად ვგრძნობ. დიდ კლუბში გადავედი და დიდი პერსპექტივა მაქვს. ვამაყობ, რომ აქ ვიმყოფები, თანაგუნდელებთან შეხვედრას მოუთმენლად ველოდები”, – თქვა რუდიგერმა.