მერსესაიდის “ლივერპულის” ლეგენდას, გერმ სუნესს ეჭვი ეპარება, რომ კოუტინიო ისეთივე მონდომებით შეძლებს თამაშს, როგორც ადრე, მას შემდეგ, რაც კლუბმა მას “ბარსელონაში” წასვლის უფლება არ მისცა.
“კლუბმა საკმაოდ გარკვევით დააფიქსირა საკუთარი პოზიცია – ისინი კოუტინიოს გაყიდვის ვარიანტს არც კი განიხილავდნენ. მაგრამ საკითხავი ისაა, როგორი იქნება კოუტინიო მომავალ სეზონში?
გასახდელში აუცილებლად იქნებიან ისეთი ფეხბურთელები, რომლებსაც კოუტინიო დიდად არ მოსწონთ და ამიერიდან მას უფრო ახლოდან დააკვირდებიან.
შეძლებს კოუტინიო ისეთივე მონდომებით თამაშს “ლივერპულში”? ამაზე პასუხს მხოლოდ ის გაგვცემს. კლუბს ის “ბარსელონაში” 100 მილიონ ფუნტად უნდა გაეყიდა,” – აცხადებს გერმი.