“ლივერპულისა” და “მანჩესტერ იუნაიტედის” ყოფილმა ფეხბურთელმა, პოლ ინსმა ფილიპე კოუტინიოს გარშემო არსებულ სიტუაციაზე გააკეთა კომენტარი და აღნიშნა, რომ ბრაზილიელი ფეხბურთელისთვის უკეთესი იქნება, თუ ზაფხულის ამბებს წარსულს ჩააბარებს.
“ფილიპემ მაქსიმალურად უნდა მიბაძოს სუარესს, რომელიც კლუბისგან მიღებული უარის (“ბარსელონაში” გადასვლაზე) შემდეგ გუნდში უფრო ძლიერი დაბრუნდა.
ერთი რამ ფაქტია, თუ კოუტინიო ძველებურად ითამაშებს, ფანებს ის კვლავ ეყვარებათ. ფანები ყველაფერს გაიგებენ თუ რა თქმა უნდა, სანჩესის მსგავსი ჟესტებით არ ეცდება რამის მიღწევას.
კოუტინიო, როგორც ფეხბურთელი ძალიან მომწონს. “ბარსელონა” მასში 120 მილიონ ფუნტს იხდიდა, რამაც ბევრის უკმაყოფილება გამოიწვია. ახლა მას ჩემპიონთა ლიგაზე მოუწევს იმის დამტკიცება, რომ მასში ამ თანხის გადახდა ღირს,” აცხადებს პოლი.