კატალონიის “ბარსელონას” პრეზიდენტი ხოსეპ მარია ბართომეუ საკმაოდ საინტერესო განცხადებას აკეთებს, რომლის მიხედვითაც, კატალონიის დამოუკიდებლობის შემთხვევაში შესაძლოა, “ბარსელონამ” ლა ლიგაში აღარ ითამაშოს.
“ბუნებრივია, ახლა ამ სიტუაციაზე არ ვფიქრობთ, რადგანაც გადაწყვეტილი არაფერია.
თუ მოვლენები ისე განვითარდება, როგორც დაგეგმილია, ლა ლიგიდან წასვლის ვარიანტს დირექტორთა საბჭო აუცილებლად განიხილავს. ეს ისეთი რამაა, რაზეც ცივი გონებით უნდა ვიმსჯელოთ.
ვფიქრობ, ამ საკითხთან დაკავშირებით დაუფიქრებლობა არ გამოგვადგება, სიდინჯე გვმართებს. თუმცა ერთი რამ ფაქტია, ამის საკმაოდ რეალური შანსი არსებობს,” – აცხადებს ბართომეუ.