ჩინური “ჰებეი ჩაინა ფორჩუნის” არგენტინელი მცველი, ხავიერ მასკერანო, აზიის დატოვებაზე ფიქრობს. კატალონიური პრესის (Sport) ცნობით, მასკერანო ჩინურ კლუბს 2019 წლის დასაწყისში დატოვებს.
“ბარსელონას” ყოფილი ვარსკვლავის გადაბირების სურვილს “რივერ პლეიტი” გამოთქვამს, რომელიც ფეხბურთელს კარიერის დასრულების შემდეგ მთავარი მწვრთნელის თანაშემწის პოსტსაც სთავაზობს.
როგორც იცით, მასკერანო “ბარსელონაში” 2010 წელს “ლივერპულიდან” გადაბარგდა. კატალონია არგენტინელმა ფეხბურთელმა გასულ სეზონში დატოვა და მას შემდეგ სულ რაღაც 6 მატჩი ჩაატარა ჩინურ ჩემპიონატში.
