მიუნხენის “ბაიერნს” მიმდინარე სეზონში შეტევის წინა ხაზში საქმე არც თუ ისე კარგად მისდის, ტრავმები აწუხებს მიულერსა და რიბერს, ბოლო პერიოდში მათ პოლონელი ლევანდოვსკიც შეუერთდა. სწორედ აქედან გამომდინარეობს ის ფაქტი, რომ გერმანელებს ხშირად გოლების გატანა უჭირთ.
გამოცემა ESPN-ი ავრცელებს ინფორმაციას, რომ “ბაიერნი” მზადაა სანჩესი ზამთრის სატრანსფერო ფანჯრის დროს აიყვანოს, რადგან 2018 წლის ივნისში ის თავისუფალი აგენტი გახდება და მისი აყვანის სურვილს უამრავი გუნდი გამოთქვამს. პრესაში, ასევე, ვრცელდებოდა ინფომრაცია “პსჟ”-სა და “მანჩესტერ სიტის” ინტერესის შესახებ.
შეგახსნებთ, რომ ჩილელი ფეხბურთელი “არსენალში” 2014 წელს გადაბარგდა, მანამდე ის “ბარსელონასა” და “უდინეზეში” ასპარეზობდა.