დღეს ლა ლიგა-ში მე-13 ტურის ცენტრალური შეხვედრა გაიმართა “მესტალიაზე”, სადაც ადგილობრივმა “ვალენსიამ” “ბარსელონას” უმასპინძლა და შეხვედრა ფრედ 1-1 დასრულდა.
მატჩი საკმაოდ დაძაბული გამოდგა, მომენტები ორივე გუნდის კართან იქმნებოდა, მაგრამ რიგ შემთხვევაში კიპერები თამაშობდნენ ზუსტად, ზოგჯერ კი ფეხბურთელებს იღბალი ღალატობდათ. აღნიშვნის ღირსია 30-ე წუთზე ლიონელ მესის მომენტი, როდესაც არგენტინელმა ძლირად დაარტყა, რა დროსაც “ვალენსიას” მეკარემ არაზუსტად ითამაშა და ბურთმა კარის ხაზი გადაკვეთა, მაგრამ მსაჯმა გოლი არ ჩათვალა, რამაც სტუმარი გუნდის ფეხბურთელების დიდი უკმაყოფილება გამოიწვია. მე-60 წუთზე მაპინძელთა სწრაფ შეტევას როდრიგოს გოლი მოჰყვა. ამის შემდეგ “ვალენსია” თავს კარგად იცავდა, თუმცა 82-ე წუთზე მესის საოცარ გადაცემას, ზუსტად ჟორდი ალბა გამოეხმაურა და ანგარიში გაათანაბრა. საბოლოოდ შეხვედრა ფრედ 1:1 დასრულდა.
ამ მატჩის შემდეგ ცხრილის სათავეში ისევ კატალონიის “ბარსელონაა” 35 ქულით, მეორე ადგილს კი “ვალენსია” იკავებს 31 ქულით.