როგორც მოგეხსენებათ, ეროვნული ლიგის პლეი-ოფში განცდილი მარცხის შემდეგ ბათუმის “დინამო” საქართველოს რანგით პირველ დივიზიონს დაემვიდობა და ამასთან ერთად გუნდი რამდენიმე ფეხბურთელმაც დატოვა.
გუნდიდან წასულთა რიგებს “დინამოს” ლეგიონერი კიპერი ანატოლი ტიმოფეევიც შეემატა, ამის შესახებ ინფორმაციას უკრაინელი მეკარე საკუთარ Facebook გვერდზე ავრცელებს, ამავდროულად 25 წლის ფეხბურთელი მცირე კომენტარსაც აქვეყნებს: “მინდა ყველას დიდი მადლობა გადავუხადო გასული ორი სეზონისათვის, რომელიც “დინამოს” რიგებში ჩავატარე. მადლობა მწვრთნელებს, მათ სტაფს, მომსახურე პერსონალს და თანაგუნდელებს ნდობისათვის. ვცდილობდი მეჩვენებინა ჩემი საუკეთესო თამაში და თავი მიმეძღვნა ამ კლუბისა და ქალაქისათვის. განსაკუთრებული მადლობა კი საქართველოში საუკეთესო ფან კლუბს “პირატებს”, – წერს ანატოლი ტიმოფეევი.
შეგახენებთ, რომ ტიმოფეევმა “დინამოს” მაისურით 18 შეხვედრა ჩაატარა და 28 გოლი გაუშვა. ჯერჯერობით უცნობია, თუ სად გააგრძლებს კარიერას 25 წლის უკრაინელი მეკარე.