ეროვნული ლიგა 1-ში 2017 წელი “დინამო” თბილისისთვის საკმაოდ უსიამოვნოდ დასრულდა, გუნდი, რომელიც მთელი წლის განმავლობაში პირველ ადგილს იკავებდა, ჩემპიონობა ბოლო ტურში დათმო. ამ ყოველივეს შემდეგ კი ყველა რეფორმებს ელოდა გუნდში, ფაქტია ბოლო პერიოდში “დინამო”, არც თუ ისე სტაბიული გუნდია.
დღეს ცნობილი გახდა, რომ გიორგი ზარიამ არსებული კონტრაქტი კიდევ ერთი წლით გაახანგრძლივა და 2020 წლის ზაფხულამდე “დინამო” თბილისში იასპარეზებს. ამის შესახებ ინფორმაციას დედაქალაქელთა პრესსამსახური ავრცელებს. გიორგი ზარია “დინამოს” აკადემიის აღზრდილია და უკვე მეორე სეზონია, რაც პირველ გუნდში გამოდის. შეგახსენებთ, რომ ზარიას გარდა გუნდში ასევე დარჩა ლაშა თოთაძე.
ჯერჯერობით უცნობია იმ ფეხბურთელთა ვინაობა, რომლებიც “დინამოს” დაემშვიდობებიან, მაგრამ გუნდმა უკვე დაითხოვა ლეგიონერები, ასევე დიდად სავარაუდოა, რომ გუნდს ნუკრი რევიშვილი, ლევან გეგეჭკორი და ბექა მიქელთაძეც დატოვებენ.