ფრანგულ პრესაში გავრცელებული უახლესი ცნობების თანახმად, მადრიდის “რეალის” მთავარმა მწვრთნელმა, ზინედინ ზიდანმა საბოლოოდ მიიღო გუნდის შეტევითი ხაზის გაძლიერების გადაწყვეტილება. ფრანგი სპეციალისტი მზადაა, ბენზემა გაუშვას და მისი შემცვლელი მოიყვანოს.
როგორც იცით ზიდანის მისვლის შემდეგ ბენზემა ხელშეუხებელი იყო, მაგრამ ორი დღის წინ გამართული შეხვედრის შემდეგ სიტუაცია რადიკალურად შეიცვალა და ახლა “ბლანკოსის” ხელმძღვანელები მაურო იკარდის ტრანსფერზე მუშაობენ.
მადრიდული კლუბი უკვე ნანობს მორატას გაყიდვას და მზადაა საკმაოდ სოლიდური თანხაც გადაიხადოს ახალი შემტევის სანაცვლოდ. L’Équipe-ს ცნობით, განიხილება “ლაიფციგის” შემტევის, ტიმო ვერნერის დამატების ვარიანტიც.
ბოლო დროს უცხოური გამოცემები არ წყვეტენ საუბარს ჰარი კეინსა და მადრიდის “რეალს” შორის კონტაქტის არსებობაზეც. ასე რომ, ბენზემას მადრიდული დღეები უკვე დათვლილია.