დღეს, სამწვრთნელ ბაზაზე ქუთაისის “ტორპედომ” ახალი სეზონისთვის მზადება დაიწყო. ქვეყნის მოქმედმა ჩემპიონებმა ახალი სეზონისთვის მზადება ტარიელ ხაინდრავასთან, მიხეილ სარდალიშვილთან და ბიძინა მახარობლიძესთან ერთად დაიწყეს.
მიხეილ სარდალიშვილი საჩხერის “ჩხურადან” შეუერთდა გუნდს. რაც შეეხება ხაინდრავას, რომელსაც “ტორპედოში” ნათამაშები აქვს, მან კლუბთან კონტრაქტი გააფორმა და გუნდს დღეს შეუერთდა.
მახარობლიძემ კი, ტრავმით გამოწვეული ხანგრძლივი პაუზის შემდეგ ვარჯიში განაახლა.