ლონდონის “ჩელსის” მთავარმა მწვრთნელმა, “არისტოკრატთა” ახალწვეული, როს ბარკლი შეაფასა, რომლის სანაცვლოდაც ლონდონურმა კლუბმა “ევერტონს” 15 მილიონი ფუნტი გადაუხადა.
“ბარკლი – უდიდესი პოტენციალის მქონე ფეხბურთელია. ის უკვე შემდგარი ფეხბურთელია. ამასთან ერთად, ჯერ კიდევ ახალგაზრდაა და შეიძლება ითქვას, რომ კარიერა ახლახან დაიწყო. ასეთი ამბიციის კლუბში გადასვლა მისთვის ახალი და ძალიან საჭირო ნაბიჯია. ბარკლის სტილის ფეხბურთელი ძალიან გვჭირდებოდა.
ცოტა დრო გვჭირდება, რათა ერთად მუშაობის საფუძველზე გავარკვიოთ, თუ როდის შეძლებს ის “ჩელსიში” სადებიუტო მატჩის ჩატარებას,” – ციტირებს იტალიელი სპეციალისტის სიტყვებს Goal.