მერსესაიდის “ლივერპულის” ყოფილმა დირექტორმა, კრისტიან პარსლოუმ პრესასთან საუბრისას საკმაოდ ხმაურიანი განცხადებები გაუკეთა და იურგენ კლოპს ერთი საინტერესო რჩევაც მისცა.
“ინგლისში დიდი ექვსეული აღარაა – უბრალოდ ორი სამეული. ვთვლი, რომ “მანჩესტერ სიტი”, “იუნაიტედი” და “ჩელსი” გარკვეული ფინანსური უპირატესობების გამო უფრო მაღლა დგანან, ვიდრე “ლივერპული”, “არსენალი” და “ტოტენჰემი”.
“იუნაიტედი”… ამ კლუბმა პოლ პოგბა დაიმატა, რომელიც მსოფლიოს ყველაზე სასურველი ფეხბურთელი იყო იმ ზაფხულს. ახლახან კი მათ რიგებს ყველაზე პროდუქტიული შემტევი, რომელუ ლუკაკუ მიემატა.
შეიძლება ითქვას, რომ “იუნაიტედი” “ჰეროდსში” (მსოფლიოს ერთ-ერტი საუკეთესო მაღაზია) შოპინგობს. “ლივერპულმაც” უნდა მიბაძოს მას და კლოპის მაღალი ამბიციები დააკმაყოფილოს, კარგი ფეხბურთელების გაყიდვის ნაცვლად.
იურგენ კლოპი ტოპ კლასის მწვრთნელია, ამაში დარწმუნებული ვარ. ის სწორედ იმ დიდი კლუბების მომავალი მწვრთნელია და თუ “ლივერპული” მისი ამბიციების დაკმაყოფილებას ვერ შეძლებს, ის უნდა წავიდეს,”- აცხადებს “წითლების” ყოფილი აღმასრულებელი დირექტორი.