მერსესაიდის “ლივერპულმა” პორტუგალიაში მოგებული მატჩის შემდეგ (0:5) “პორტუს” შინ ფრე ეთამაშა (0:0) და ჩემპიონთა ლიგის მეოთხედფინალური ეტაპის საგზურსაც მშვიდად დაეუფლა. მატჩის შემდეგ პრესასთან “წითლების” კაპიტანმა, ჯორდან ჰენდერსონმა ისაუბრა.
“მართალია, გამარჯვება ვერ შევძელით, მაგრამ მომდევნო ეტაპის საგზური მოვიპოვეთ, რაც ჩვენთვის უმთავრესია. “პორტუ” კი კარგი თამაშისთვის აუცილებლად იმსახურებს აღიარებას.
უკვე სეზონის დასკვნით ფაზაში შევდივართ და მომდევნო თვეები უმნიშვნელოვანესია ჩვენთვის. ჩვენი თამაშით უნდა ვითამაშოთ და შედეგები თავისით მოვა.
მნიშვნელობა არ აქვს, თუ ვინ შეგვხვდება შემდეგ ეტაპზე. “ლივერპული” ნებისმიერ გუნდთან საბრძოლველად არის მზად. ჩვენ სრულ მზადყოფნაში ვართ,” – აცხადებს ჰენდერსონი.