2 მაისს, სასტუმრო „მოხალისეში“ უეფას მწვრთნელთა განათლების „B“ ლიცენზიის კურსის პირველი მოდულის დასკვნითი დღე გაიმართა.
სასწავლო კურსის პირველი მოდული ზოგად შესავალსა და მწვრთნელთა ტექნიკურ-ტაქტიკურ მომზადებას ეხებოდა. მოდული ძირითადად ჯგუფური სამუშაოებისგან და პრაქტიკული სავარჯიშოებისგან შედგებოდა.
შეგახსენებთ, რომ უეფას მწვრთნელთა განათლების „B“ ლიცენზიის კურსმა განახლებული ფორმატით სტარტი 30 აპრილს აიღო. ამიერიდან კურსი 6 მოდულისგან შედგება და ლიცენზიის მაძიებლები მას ერთი წლის განმავლობაში შეისწავლიან. მიმდინარე კურსზე 20 მსმენელი ირიცხება.
უეფას მწვრთნელთა განათლების „B“ ლიცენზიის კურსის მეორე მოდული მიმდინარე წლის ივნისში გაიმართება.
Gff.Ge