დღეს ჩემპიონთა ლიგის ნახევარფინალის განმეორებით შეხვედრაში რომის “რომა” მერსესაიდის “ლივერპულს” დაუპირისპირდა და მეტოქე ანგარიშით, 4-2 დაამარცხა. თუმცა, ორი მატჩის ჯამში – 7-6 ინგლისელთა სასარგებლოდ და ფინალში სწორედ იურგენ კლოპის გუნდი გავიდა.
დაპირისპირების შემდეგ “ლივერპულის” მცველმა, ენდი რობერტსონმა ჟურნალისტებთან ისაუბრა.
“ამ ფანებმა დაიმსახურეს, რომ ფინალში იყვნენ. მათ კიევში ძალიან კარგი დროის გატარება ელით. მიუხედავად იმისა, რა შედეგით დასრულდება ის მატჩი, ჩვენი გულშემატკივრები მაინც ისიამოვნებენ. წავაგეთ, თუმცა მეტოქემ ყველანაირი ძალა ჩართო, რომ სასურველი ანგარიში დაეფიქსირებინა. ზოგადად, ამ სეზონში ყველა მოთამაშე ძალიან მაგარი იყო,” – ამბობს რობერტსონი.