სალაჰი კოვიდინფიცირებულია

“ლივერპულის” ფორვარდ მოჰამედ სალაჰს კორონავირუსი დაუდასტურდა.

გასულ უქმეებზე ეგვიპტელმა ფეხბურთელმა “მანჩესტერ სიტის” წინააღმდეგ გამართულ მატჩში (1:1) გოლი გაიტანა, რის შემდეგაც ეროვნული ნაკრების ბანაკს მიაშურა. სალაჰი, სავარაუდოდ, სამშობლოში დაინფიცირდა. ის ფეხბურელთა და გუნდის პერსონალთა შორის ერთადერთია, ვისაც კორონავირუსი დაუდასტურდა.

28 წლის ფეხბურთელი თვითიზოლაციაში იმყოფება. დაავადება უსიმპტომოდ მიმდინარეობს.

უკვე ცნობილია, რომ მოჰამედ სალაჰს აფრიკის ერთა თასის შესარჩევ ეტაპზე ტოგოს ნაკრების წინააღმდეგ გასამართი ორივე მატჩის გამოტოვება მოუწევს. არაა გამორიცხული, ეგვიპტელმა ფეხბურთელმა ინგლისის პრემიერლიგაში “ლესტერ სიტისთან” და ჩემპიონთა ლიგაზე ბერგამოს “ატალანტასთან” 21 ნოემბერს ჩანიშნული შეხვედრებიც გამოტოვოს.

მოჰამედ სალაჰის ანტირეკორდი

“ლივერპულის” თავდამსხმელ მოჰამედ სალაჰს პრემიერლიგის უკვე მესამე მატჩია გოლი არ გაუტანია. ეს ეგვიპტელი ფეხბურთელისთვის მერსისაიდულ გუნდში გადმოსვლის ანუ 2017 წლის ზაფხულის შემდეგ ყველაზე გრძელი უგოლო სერია გახლავთ.

მოჰამედ სალაჰის უგოლო სერია 24 თებერვალს “მანჩესტერ იუნაიტედის” წინააღმდეგ გამართულ შეხვედრაში (0:0) დაიწყო. ეგვიპტელმა შემდეგ ვერც “უოტფორდსა” (5:0) და თანაქალაქელ “ევერტონს” (0:0) გაუტანა.

აქვე გეტყვით, რომ ინგლისის პრემიერლიგის სატურნირო ცხრილს სათავეში “მანჩესტერ სიტი” უდგას, რომელსაც ერთი ქულით ჩამორჩება “ლივერპული”.