“ლივერპულის” მცველმა ტრენტ ალექსანდერ-არნოლდმა ის კლუბი დაასახელა, რომელიც “წითლების” შემდეგ ყველაზე მეტად უყვარს.
“თუ არ ჩავთვლით “ლივერპულს”, ჩემი საყვარელი კლუბი “ბარსელონაა”. კატალონიელებს იგივე ღირებულებები და რწმენა აქვთ, რაც – “ლივერპულს”. მათ გუნდის დაკომპლექტება საკუთარ აკადემიაში გაზრდილი ფეხბურთელებით უყვართ. იმ “ბარსელონას” თამაშის ცქერაში გავიზარდე, რომლის რიგებშიც მესი, ინიესტა, ჩავი, ანრი და ეტოო ირიცხებოდნენ”, – ციტირებს ალექსანდერ-არნოლდის სიტყვებს British GQ.
შეგახსენებთ, რომ ტრენტ ალექსანდერ-არნოლდი “ლივერპულის” აკადემიის აღზრდილი გახლავთ. ის “ენფილდროუდელთა” მთავარ გუნდში 2016 წელს ჩაირიცხა. 23 წლის ფეხბურთელმა მიმდინარე სეზონში 26 მატჩი ჩაატარა, ორი გოლი გაიტანა და 11 შედეგიანი გადაცემა მიითვალა.