ნიდერლანდების ნაკრების ყოფილი თავდამსხმელი რუდ ვან ნისტელროი “პეესვე ეინდჰოვენს” უთავკაცებს. მხარეებს შორის გაფორმებული კონტრაქტი მომავალი სეზონიდან ამოქმედდება და ძალაში 2025 წლის ზაფხულამდე იქნება.
გუნდის მოქმედი მთავარი მწვრთნელი როგერ შმიდტი პოსტს მიმდინარე კამპანიის დასრულების შემდეგ დატოვებს.
რუდ ვან ნისტელროი “პსვ”-ს ღირსებას მოთამაშის რანგში 1998—2001 წლებში იცავდა. ის ამ დროისთვის “პსვ”-ს სარეზერვო გუნდს წვრთნის. ვან ნისტელროი 2014 წლიდან ნიდერლანდების ნაკრების სამწვრთნელო შტაბსა და “წითელ-თეთრთა” სხვადასხვა ასაკობრივ გუნდებში მუშაობდა.
“პსესვე ეინდჰოვენს” ნიდერლანდების ჩემპიონატის სატურნირო ცხრილში მეორე ადგილი უკავია და ლიდერ ამსტერდამის “აიაქსს” 2 ქულით ჩამორჩება.