“ლა გაძეტა დელო სპორტის” ინფორმაციით, “ტორინოს” ცენტრალური მცველი გლეისონ ბრემერი იტალიის მოქალაქეობის მიღებას აპირებს.
წყაროს თანახმად, 25 წლის ბრაზილიელი ფეხბურთელი და მისი მეუღლე უახლოეს მომავალში იტალიის მოქალაქეობის მიღების მოთხოვნით განაცხადის წარდგენას აპირებენ. ბრემერი ბრაზილიის ნაკრებში არასდროს მიუწვევიათ.
გლეისონ ბრემერი იტალიის სერია A-ს 2021-2022 წლების გათამაშების საუკეთესო მცველად დაასახელეს. მან აწ უკვე გასულ სეზონში იტალიის ჩემპიონატში 33 მატჩი ჩაატარა, სამი გოლი გაიტანა და ერთი შედეგიანი გადაცემა მიითვალა.