ფეხბურთის საერთაშორისო ასოციაციის საბჭომ მატჩში ხუთი ცვლილების წესი სამუდამოდ დაწესდა.
როგორც მოგეხსენებათ, 2020 წელს კორონავირუსული პანდემიის გამო ფეხბურთის საერთაშორისო ასოციაციის საბჭომ ფიფას მოთხოვნით წესებში დროებითი ცვლილება შეიტანა. კერძოდ, ფეხბურთელთა უსაფრთხოების მიზნით ეროვნულ და საერთაშორისო შეჯიბრებებში გუნდებს მატჩის მიმდინარეობისას ხუთი ცვლილების განხორციელების უფლება ჰქონდათ. აღნიშნული წესი მომდევნო პერიოდებშიც გაგრძელდა.
ფეხბურთის საერთაშორისო ასოციაციის საბჭოს დღევანდელ სხდომაზე მიიღეს მთელი რიგი რეკომენდაციები, ხუთი ცვლილების წესი კი მუდმივი გახდა. გარდა ამისა, შეჯიბრებების ორგანიზატორებს გუნდში სათადარიგო ფეხბურთელთა მაქსიმალური რაოდენობის 12-დან 15-მდე გაზრდის უფლება მიეცათ.