სერბი ფეხბურთელი ნემანია მატიჩი “რომაში” გადავიდა. ის იტალიურ კლუბს თავისუფალი აგენტის სტატუსით შეუერთდა.
მხარეებს შორის გაფორმებულ შრომით ხელშეკრულებას ვადა 2023 წლის 30 ივნისის ჩათვლით ექნება. ნემანია მატიჩი “მგელთა” რიგებში 21-ნომრიანი ფორმით ითამაშებს.
შეგახსენებთ, რომ სერბი ფეხბურთელი 2017 წლიდან “მანჩესტერ იუნაიტედში” ირიცხებოდა. მან გასულ სეზონში 32 მატჩი ჩაატარა და ოთხი შედეგიანი გადაცემა მიითვალა. “რომას” მთავარი მწვრთნელი ჟოზე მოურინიო მატიჩს კარგად იცნობს. პორტუგალიელი სპეციალისტი სერბ ნახევარმცველს ლონდონის “ჩელსისა” და “მანჩესტერ იუნაიტედში” მუშაობის პერიოდში თავკაცობდა.