ბერგამოს “ატალანტას” მცველ ხოსე ლუის პალომინოს გრძელვადიანი დისკვალიფიკაცია ემუქრება.
Goal Italia-ს თანახმად, ანტიდოპინგური სააგენტოს ოფიცრები “ატალანტას” დაუგეგმავად ესტუმრნენ და ფეხბურთელებისგან ნიმუშები აიღეს. პალომინოს დოპინგტესტმა დადებითი პასუხი აჩვენა. მის სისხლში აკრძალული ნივთიერება ნანდროლონი აღმოაჩინეს, რის გამოც მას გრძელვადიანი დისკვალიფიკაცია ემუქრება.
ხოსე ლუის პალომინო “ატალანტას” რიგებში 2017 წლიდან თამაშობს და ის გუნდის ერთ-ერთ შეუცვლელ ფიგურად ჩამოყალიბდა. მან ამ პერიოდის განმავლობაში “ნერაძურის” შემადგენლობაში 202 მატჩი ჩაატარა, რვა გოლი გაიტანა და ხუთი შედეგიანი გადაცემა მიითვალა.