ესპანეთის ნაციონალური სასამართლოს მოსამართლემ პაბლო რუსმა ნეიმარის საქმესთან დაკავშირებულ შესაძლო ფინანსურ მაქინაციებზე მიიღო საჩივარი, რომელიც სასამართლოში ხორდი კასესმა მიიტანა. კასესი აქტიურად უპირისპირდება “ბარსელონას” ახლანდელ ხელმძღვანელობას.
“ბარსელონას” პრეზიდენტ სანდრო როსელს ნეიმარის ტრანსფერი განხორციელების დროს 40 მილიონი ევროს მითვისებას სდებენ ბრალად. ამასთან დაკავშირებით, კატალონიური გუნდის ხელმძღვანელობამ სასამართლოს ტრანსფერი მთლიანი დოკუმენტაცია გადასცა. როსელმა კი განაცხადა, რომ საჭიროების შემთხვევაში მზად არის საჯაროდ ისაუბროს სატრანსფერო შეთანხმების დეტალებზე.
შეგახსენებთ, რომ ოფიციალურად ნეიმარის ტრანსფერის რირებულებამ 57,1 მილიონი ევრო შეადგინა. თუმცა, გავრცელებული ინფორმაციით ტრანსფერი 95 მილიონი დაჯდა.
