კევინ სტროტმანმა პრესასთან საუბრისას “რომას” სატრანსფერო პოლიტიკა შეაქო მიუხედავად იმისა, რომ კლუბმა მუჰამედ სალაჰის, ანტონიო რუდიგერისა და ლეანდრო პარადესის შენარჩუნება ვერ მოახერხა.
“ბედნიერი ვარ, რომ ნაინგოლანი და დანიელე დე როსი მომავალ სეზონშიც “რომაში” ითამაშებენ. დე როსი ჩვენი კაპიტანია, რაჯას გადაბირება კი ევროპის ყველა კლუბს უნდოდა, მაგრამ მან დარჩენა გადაწყვიტა, რაც ძალიან მახარებს.
საბოლოო ჯამში, “რომას” უფროსებმა ძალიან კარგი სამუშაო გასწიეს მათი შენარჩუნებით, ჩვენი გუნდი ახალ სეზონს უფრო ძლიერი შეხვდება,” – აცხადებს სტროტმანი.
