Per Mertesacker – Fanebi.Com – ფეხბურთი, კალათბურთი, რაგბი, სხვა

პერ მერტეზაკერი ავარიაში მოყვა

Posted on სექტემბერი 15, 2015სექტემბერი 15, 2015 by ბექა დოგრაშვილი

ლონდონის “არსენალის” მცველი პერ მერტეზაკერი ავარიაში მოყვა. ვარჯიშის შემდეგ შინისაკენ მიმავალმა ძლიერ წვიმაში ავტომობილი ვერ დაიმორჩილა და გზის გამყოფ ხაზს დაეჯახა. გერმანელი ფეხბურთელი არ დაშავებულა, მაგრამ მომხდარით შეძრწუნებულია.

მერტეზაკერი 16 სექტემბერს უეფას ჩემპიონთა ლიგის ჯგუფურ ეტაპზე ზაგრების “დინამოს” წინააღმდეგ გასამართ მატჩსი მონაწილეობას ვერ მიიღებს, თუმცა ამის მიზეზი არა ეს ინციდენტი, არამედ ჯანმრთელობასთან დაკავშირებული პრობლემაა, რის შესახებაც “მეთოფეთა” მთავარმა მწვრთნელმა არსენ ვენგერმა ავარიამდე ისაუბრა.

მერტეზაკერი: “მონაკომ” ეს წარმატება დაიმსახურა”

Posted on მარტი 18, 2015 by ბექა დოგრაშვილი

ლონდონის “არსენალის” მცველმა პერ მერტეზაკერმა აღიარა, რომ “მონაკომ” ჩემპიონთა ლიგის მეოთხედფინალურ ეტაპზე თამაში დაიმსახურა. “მეთოფეებმა” “ლუი II”-ზე ანგარიშით 2:0 კი იმარჯვეს, თუმცა შინ პირველი მატჩი 1:3 ჰქონდათ წაგებული და ტურნირს გამოეთიშნენ.

“ვფიქრობ, უფრო ძლიერმა გუნდმა მოიპოვა მომდევნო ეტაპზე თამაშის უფლება. მათ ეს პირველ მატჩში ნაჩვენები თამაშით დაიმსახურეს. ჩვენ დღეს ძალისხმევა არ დავაკელით, თუმცა ეს საკმარისი არ აღმოჩნდა. ყველაფერი პირველი შეხვედრის ბრალია. ერთი წარუმატებელი მატჩი და ტურნირს ეთიშები — სწორედ ამაშია ჩემპიონთა ლიგის ხიბლი”, – მერტეზაკერის სიტყვები უეფას ოფიციალურ ვებგვერდზე გამოქვეყნდა.

მერტეზაკერი ხედირას “არსენალში” ელის, მაგრამ ის “ბაიერნში” მიდის?

Posted on ნოემბერი 20, 2014ნოემბერი 20, 2014 by ბექა დოგრაშვილი

ლონდონის “არსენალის” გერმანელი მცველი პერ მერტეზაკერი აცხადებს, რომ “მეთოფეთა” რიგებში მადრიდის “რეალის” ნახევარმცველ სამი ხედირას ხილვა სურს.

“მომხრე ვარ, რომ ჩვენს გუნდში უფრო მეტი მაღალი დონის გერმანელი ფეხბურთელი თამაშობდეს. მე და იოზილს არაერთხელ გვითქვამს ხედირასთვის, რომ “არსენალში” გადმოსულიყო. მას “რეალთან” კიონტრაქტი სეზონის ბოლოს უმთავრდება”, – ციტირებს მერტეზაკერის სიტყვებს Goal.com-ი.

ამავე დროს ესპანური გამოცემა Cadena Ser-ი ავრცელებს ინფორმაციას, რომლის მიხედვითაც, სამი ხედირა კარიერას მიუნხენის “ბაიერნში” გააგრძელებს. წყაროს თანახმად, ფეხბურთელმა ბავარიულ კლუბთან წინასწარი შეთანხმება გააფორმა.

მერტეზაკერმა გერმანიის ნაკრები დატოვა

Posted on აგვისტო 16, 2014 by ბექა დოგრაშვილი

ლონდონის “არსენალის” 29 წლის გერმანელმა მცველმა პერ მერტეზაკერმა სანაკრებო კარიერა დაასრულა.

მერტეზაკერს გერმანიის ეროვნულ ნაკრებში დებუტი 10 წლის წინათ ჰქონდა. ამ ხნის განმავლობაში მან 104 მატჩში მიიღო მონაწილეობა, გაიტანა 4 გოლი.

ფეხბურთელის თქმით, მას სურს, რომ “არსენალსა” და ოჯახს მეტი დრო დაუთმოს.

შეგახსენებთ, რომ გერმანიის ნაკრებიდან მიროსლავ კლოზე და ფილიპ ლამიც წავიდნენ.

ვინ გახდება “არსენალის” ახალი კაპიტანი?

Posted on აგვისტო 9, 2014 by ბექა დოგრაშვილი

ბრიტანული გამოცემა “დეილი მეილი” იუწყება, რომ ლონდონის “არსენალის” ახალი კაპიტანი მიკელ არტეტა გახდება. შეგახსენებთ, რომ გუნდის კაპიტნის სამკლავური ამ დრომდე ტომას ვერმალენს ეკუთვნის, რომელიც “ბარსელონაში” გადასვლასთან ახლოსაა.

ვიცე-კაპიტანი, სავარაუდოდ, პერ მერტეზაკერი გახდება, რომელიც აღნიშნულ პოზიციაზე სწორედ არტეტას შეცვლის.

შეგახსენებთ, რომ მიკელ არტეტაც და პერ მერტეზაკერიც “არსენალის” ღირსებას 2011 წლიან იცავენ.

იოზილმა მოიბოდიშა

Posted on დეკემბერი 15, 2013დეკემბერი 15, 2013 by ბექა დოგრაშვილი

ლონდონის „არსენალის“ ნახევარმცველმა მესუთ იოზილმა სოციალური ქსელის მეშვეობით კლუბის ქომაგებს მოუბოდიშა. ინგლისის პრემიერლიგის მე-16 ტურში „მანჩესტერ სიტისთან“ გამართული მატჩის (3:6) შემდეგ 25-წლის გერმანელმა ნახევარმცველმა ლონდონური კლუბის გულშემატკივრებს აპლოდისმენტები არ დაუკრა, რის გამოც თანამემამულე პერ მერტეზაკერისგან შენიშვნაც დაიმსახურა.

„ბოდიშს ვიხდი იმისთვის, რომ მატჩის შემდეგ გულშემატკივრებს მადლობა არ გადავუხადე.

ჩემთან შესანიშნავი ურთიერთობა გაქვთ და ვიცი, რომ გრძელი გზა გამოიარეთ და ბევრი ფულიც დახარჯეთ იმისთვის, რომ ჩვენთვის გექომაგათ. დაფიქსირებული შედეგით იმედგაცრუებული ვიყავი და ვიცი, რომ თქვენთან მადლობის გადასახდელად მაინც უნდა მოვსულიყავი. ვიცი, რომ ეს „არსენალის“ განსაკუთრებული ტრადიციაა და მნიშვნელობა არ აქვს, მოვიგებთ, ფრედ ვითამაშებთ თუ დავმარცხდებით“, – ნათქვამია იოზილის ოფიციალურ გვერდზე გამოქვეყნებულ განცხადებაში.

ბექა დოგრაშვილი