ჭდე: გიორგი შერმადინი

ევროლიგის მოქმედ ჩემპიონ „ოლიმპიაკოსს“ ძალა არ ეყო, კიდევ ერთხელ გაეოცებინა საკალათბურთო ევროპა და ოთხთა ფინალში გასულიყო. მადრიდის „რეალმა“ მეოთხედფინალური სერიის მე-5, გადამწყვეტი შეხვედრა დიდი მობილიზებით ჩაატარა და ბერძნულ გრანდს ისე სძლია, წარმატების მინიმალური შანსი არ მიუცია.

უკვე მეორედ, პლეი ოფის მატჩებში, გიორგი შერმადინი მოედანზე არ გამოჩენილა. „ოლიმპიაკოსის“ ქართველი ფორვარდი განაცხადში იყო, მაგრამ მატჩში მონაწილეობა არ მიუღია. საწყისი მეოთხედის 12:18 წაგების შემდეგ პირეოსელები მთელი თამაში ცდილობდნენ ვითარების გამოსწორებას, მაგრამ ვერ მოახერხეს და საბოლოოდ 69:83 წააგეს.

ოთხთა ფინალში გასულ „რეალს“ სერხიო ლულმა ულიდერა, რომელმაც 20 ქულა დააგროვა. 15-15 ქულა მიითვალეს რუდი ფერნანდესმა და ფელიპე რეიესმა. „ოლიმპიაკოსში“ 19 ქულით საუკეთესო ვასილის სპანულისი გახლდათ, მეთიუ ლოიესკიმ კი პირეოსელებს 15 ქულა მიაშველა.

„ოლიმპიაკოსი“ ევროლიგას დაემშვიდობა და ახლა ბრძოლა საბერძნეთის ჩემპიონობის მოსაპოვებლად მოუწევს.

gbf.ge

გიორგი შერმადინი, რომელსაც ევროლიგა აქამდე ორჯერ აქვს მოგებული, მორიგი ოთხთა ფინალის ზღვარზეა. მეოთხედფინალური სერიის საწყისი 2 მატჩის წაგების შემდეგ, პირეოსის “ოლიმპიაკოსმა” ზედიზედ 2 შეხვედრა მოუგო მადრიდის “რეალს” და საქმე მე-5, გადამწყვეტ შერკინებამდე მიიყვანა.

სერიაში 1:2 ჩამორჩენილმა პირეოსელებმა დღეს შესანიშნავად ითამაშეს. თუკი წინა მატჩი ბოლო წამებზე, უდიდესი ბრძოლის შემდეგ მოიგეს, სერიის მე-4 შეხვედრაში “ოლიმპიაკოსი” უფრო დამაჯერებელი იყო და ესპანურ გრანდს ისე მოუგო, წარმატების შანსი არ მიუცია.

მასპინძლებმა განსაკუთრებით კარგად დასკვნის მეოთხედში ითამაშეს, რომლის დაწყებისას მხოლოდ 2 ქულით იგებდნენ. ფარქვეშ სანაქებოდ მოთამაშე ბრაინტ დანსტონს პერიმეტრიდან ხელს ვასილის სპანულისი აშველებდა. ამ 2 კალათბურთელის მეოხებით “ოლიმპიაკოსმა” ბოლო წუთებზე ისე ითამაშა, მადრიდელებს მასპინძლებთან მიახლოების შანსიც არ ჰქონიათ და საბოლოოდ 62:71დამარცხდნენ.

ქართველმა კალათბურთელმა, რომელმაც წინა შეხვედრა სათადარიგოთა სკამზე გაატარა, 7:20 წუთი ითამაშა. შერმადინს “რეალის” ფარისთვის თამაშიდან არ შეუტევია, მან 2 ქულა საჯარიმოებით მოიპოვა. სხვა სტატისტიკური მაჩვენებელი ქართველ ცენტრს არ ჰქონია. მატჩის საუკეთესო დანსტონმა, რომელიც გასული ტურის უძვირფასეს მოთამაშედ აღიარეს, ამჯერად 13 ქულა, 9 მოხსნა და 2 პასი მიითვალა. სპანულისის ანგარიშზე 12 ქულა და 7 პასი დაგროვდა.

სერიის მე-5, გადამწყვეტი შეხვედრა, რომლის გამარჯვებულიც ოთხთა ფინალში გავა, 25 აპრილს, მადრიდში გაიმართება. ამ წყვილის გამარჯვებულს ნახევარფინალში “ბარსელონა” ელის.

gbf.ge

გიორგი შერმადინის “ოლიმპიაკოსმა” ევროლიგის მეოთხედფინალური სერიის მეორე მატჩიც წააგო მადროდში, “რეალთან” და საერთო ანგარიშით – 0:2 ჩამორჩა. პირეოსელებმა ახლა ზედიზედ 3 შეხვედრა უნდა მოიგონ, ოთხთა ფინალში რომ გავიდნენ, რაც, რბილად რომ ვთქვათ, რთული მისაღწევია.

თუკი პირველი მატჩი “ოლიმპიაკოსმა” უშანსოდ დათმო, დღევანდელ შეხვედრაში მადრიდელებს დიდი ბრძოლა გაუმართა და საბოლოოდ მხოლოდ 5 ქულით – 77:82 დაარცხდა. ბერძნულმა გუნდმა პირველი მეოთხედი 23:30 დათმო, თუმცა შემდეგ თამაში გამოასწორა და ბოლო წუთებზე მეტოქეს მიუახლოვდა კიდეც, მაგრამ გამარჯვებამდე მისვლა ვეღარ შესძლო.

შერმადინმა მოედანზე 11 უქულო წუთი გაატარა. ქართველმა ცენტრმა 2 ორქულიანი ააცილა, აქტივში კი 2 მოხსნა ჩაიწერა. ოლიმპიაკოსელთაგან წინა მატჩის დარად საუკეთესო ვასილის სპანულისი იყო, რომელმაც 18 ქულა მიითვალა. გამარჯვებულებს კი იანის ბურუსისმა ულიდერა 19 ქულით, რუდი ფერნანდესის ანგარიშზე კი 15 ქულა დაგროვდა.

სერიის მომდევნო მატჩი 21 აპრილს, პირეოსში გაიმართება. თუკი “ოლიმპიაკოსი” მოიგებს, მომდევნო შეხვედრა 23-შია დაგეგმილი. სერიის გათანაბრების შემთხვევაში, მე-5, გადამწყვეტ მატჩს კვლავ მადრიდი უმასპინძლებს.

gbf.ge

გიორგი შერმადინმა მიმდინარე ევროლიგაში ერთ-ერთიშედეგიანი მატჩი ჩაატარა. ეს მოხდა სტამბოლში, სადაც ქართველი ცენტრის “ოლიმპიაკოსმა” ადგილობრივი “ეფესი” 83:78 დაამარცხა.

“ოლიმპიაკოსისთვის” ტოპ-16-ის ჯგუფში დარჩნილ 2 ტურს მნიშვნელობა დაკარგული აქვს. პირეოსელებმა პლეი ოფის საგზური უკვე მოიპოვეს, თუმცა სურვილი აქვთ, ჯგუფში მოსისხლე “პანათინაიკოსს” გადაასწრონ. შერმადინის გუნდს დიდიარჩევანი არ აქვს, პლეი ოფის სერიაში ან მოსკოვის ცსკა-ს შეხვდება, ან მადრიდის “რეალს” და ორივე შემთხვევაში მოედნის უპირატესობა მეტოქის იქნება.

რაც შეეხება სტამბოლში მოგებულ მატჩს, შერმადინი სასტარტო ხუთეულში იყო და მოედანზე 20,27 წუთი გაატარა. საერთო შედეგიანობით ქართველი ცენტრი თანაგუნდელთაგან მხოლოდ ბრაიანტ დანსტონს, ისიც მცირედით ჩამორჩა. შერმადინმა 5-დან 3 ორქულიანი და 6-დან 4 საჯარიმო ჩააგდო, 10 ქულა დააგროვა, რასაც 5 მოხსნა და 1 პასი მოაყოლა. რაც შეეხება დანსტონს, ამერიკელმა ლეგიონერმა 13 ქულა და 7 მოხსნა მიითვალა.

“ოლიმპიაკოსი” ჯგუფური ეტაპის ბოლო, მე-14 ტურში, 10 აპრილს სწორედ “პანათინაიკოსს” უმასპინძლებს და ამ მატჩშ გამარჯვებული დაიკავებს ჯგუფში მესამე ადგილს, თუმც დამარცხებულიც გავა პლეი ოფში.

gbf.ge

რიკი ჰიკმანის “მაკაბიმ” ევროლიგის პელი ოფში გააღწია. ეს იმ მატჩის მერე გაირკვა, რომელიც ქართული პასპორტის მქონე ამერიკელი კალათბურთელის ებრაულმა გუნდმა გერმანიაში ჩაატარა. თელავიველები მიუნხენში “ბაიერნს” შეხვდნენ და დაძაბურ ბრძოლაში, 94:92დაამარცხეს.

ჰიკმანმა თელავიველთა სასტარტო ხუთულში 24:50 წუთი ითამაშა და 13 ქულა, 3 პასი და 1 მოხსნა მიითვალა, ბურთი კი 2-ჯერ დაკარგა. მაკაბელთა შორის 14 ქულითა და 9 მოხსნით საუკეთესო ამერიკელი ალექს ტაიუსი იყო, ხოლო ტაირის რაისმა თელავიველებს 18 ქულა და 5 პასი შესძინა. რაც შეეხებათ მიუნხენელებს, 17 ქულა, 10 პსი და 7 მოხსნა მალკოლმ დილეინმა მიითვალა.

ამ გამარჯვებით “მაკაბიმ” F ჯგუფში მე-3 ადგილი გაინაღდა და უკვე პლეი ოფის მეტოქის ვინაობაც იცის. E ჯგუფში მე-2 ადგილზეა და ასე ჩაამთავრებს რეგულარულ ჩემპიონატს მილანური “ემპორიო არმანი”, რომელიც ჰიკმანის გუნდს ოთხთა ფინალში გამსვლელ საპლეიოფო სერიაში დაუპირისპირდება. სერია 3 გამარჯვებამდე იქნება და მოგებული, როგორც ვთქვით, ოთხთა ფინალში გავა.

პლეი ოფის საგზური გაინაღდა გიორგი შერმადინის “ოლიმპიაკოსმაც”, რომელმაც ამ ტურის მატჩი დღეს უნდა ითამაშოს. პირეოსელებს ჯგუფიდან გასვლა “უნიკახას” მარცხმა გაუნაღდა. მეოთხე ადგილზე მყოფი “ოლიმპიაკოსი” ურთიერთშეხვედრებში “უნიკახასაც” ჯობნის და “ფებერბაჰჩესაც”, რომლებიც ცხრილში პირეოსელთ შემდეგ, მე-5 და მე-6 ადგილებზე არიან განთავსებულნი.

“ოლიმპიაკოსი” დღეს სტამბოლში “ეფესს” დაუპირისპირდება, მანუჩარ მარკოიშვილის “გალათასარაი” კი მოსკოვში ცსკა-ს შეხვდება. “გალათასარაი” პლეი ოფი გასასვლელად იბრძვის და კონკურენტად კრასნოდარული “ლოკომოტივი” ჰყავს.

gbf.ge