ჭდე: ლაციო

„ემპოლისთან“ მატჩში მიღებული მუხლის ტრავმა „ლაციოს“ მცველ სტეფან დე ვრეისთვის სერიოზული არ ყოფილა.

როგორც გაირკვა, ჰოლანდიელი, დაახლოებით, ორ კვირას გამოტოვებს. ცნობისთვის, პირველადი პროგნოზებით, ფეხბურთელისთვის სეზონი დასრულებულიც კი იყო.

გარდა ამისა, „ლაციოს“ ლაზარეთს მარკო პაროლოც შეუერთდა, რომელსაც თეძოს ტკივილი აწუხებს. დე ვრეის მსგავსად, ნახევარმცველი ტურინის „იუვენტუსთან“ უახლოეს შეხვედრას გამოტოვებს.

„ლაციოს“ მეკარემ ფედერიკო მარკეტიმ, რომელმაც ცოტა ხნის წინ ვარჯიშზე ცხვირი გაიტეხა, ოპერაცია გაიკეთა.

„ოპერაციამ წარმატებით ჩაიარა! ახლა ვარჯიშის განახლება ჩვეულებრივად შემიძლია. დიდი მადლობა ხმარდაჭერისთვის“, – დაწერა ფეხბურთელმა თავისი „ტვიტერის“ გვერდზე.

რომის „ლაციოს“ ნახევარმცველის ფელიპე ანდერსონის აგენტმა განაცხადა, რომ ევროპის წამყვანი კლუბების მხრიდან ინტერესის მიუხედავად, მისი კლიენტი ამჟამად სამუშაო ადგილის შეცვლას არ გეგმავს.

„ფელიპემ „ლაციოსთან“ კონტრაქტი ცოტა ხნის წინ გაახანგრძლივა. რომში ის ძალიან ბედნიერია და ამ ეტაპზე სხვაგან გადასვლაზე არ ფიქრობს“, – განაცხადა აგენტმა.

შეგახსენებთ, რომ ბრაზილიელი „ლაციოში“ 2013 წლიდან თამაშობს.