იტალიური “რომას” კაპიტნის, ფრანჩესკო ტოტის ვაჟმა თავის პირველ რომაულ დერბიში მიიღო მონაწილეობა. კრისტიან ტოტიმ “ჯალოროსის” ახალგაზრდულ გუნდს “ლაციოსთან” გამართულ მატჩში უკაპიტნა.
აღსანიშნავია, რომ შეხვედრა “რომას” გამარჯვებით, ანგარიშით 3:1 დასრულდა, 9 წლის ტოტიმ კი ერთი გოლის გატანა მოახერხა.
რომის „ლაციოს“ თავდამსხმელი ბალდე კეიტა გასული ღამით ავარიაში მოჰყვა.
ფეხბურთელმა საჭე ვერ დაიმორჩილა და კედელს შეეჯახა. შემთხვევა ადგილობრივი დროით, დაახლოებით, დილის ოთხ საათზე მოხდა. როგორც სურათზე ჩანს, ფეხბურთელის ავტომობილი მნიშვნელოვნად დაზიანდა.
თავად მოთამაშის აგენტის თქმით, შემთხვევის მიზეზი მხოლოდ ის არის, რომ მის კლიენტს ტარების არც თუ ისე დიდი გამოცდილება აქვს.
რომის “ლაციოს” სერბმა და ალბანელმა ფეხბურთელებმა ერთობლივი ფოტო გადაიღეს ნიშნად იმისა, რომ მათი ქვეყნების ნაკრებებს შორის გამართული მატჩის მიმდინარეობის დროს მომხდარი კონფლიქტი დაუყოვნებლივ უნდა ამოიწუროს.
აღნიშნული აქციის საერთო სახელწოდებაა “ერთად”.
კამპანიაში მონაწილეობა მიიღეს “ლაციოს” სერბმა ფეხბურთელებმა ფილიპ ჯორჯევიჩმა და დუშან ბასტამ და კლუბის ალბანელმა მოთამაშეებმა ეტრიტ ბერიშამ, ლორიკ ცანამ და ტომას სტრაკოშამ.
5 ოქტომბერს, უნგრეთის ჩემპიონატში, “ჰალადაშსა” და “ლომბარდ-პაპას” შორის გამართულ მატჩში (2:0), რომის “ლაციოს” ლეგენდამ, ტომაზო როკიმ მეტოქის კარში ულამაზესი გოლი გაიტანა.
სექტემბერი მიილია… იტალიის სერია A-ში, ნამდვილად იყო რამდენიმე საინტერესო მომენტი, რომელიც შეუმჩნეველი არ უნდა დაგვრჩეს. შეძლებისდაგვარად, ვეცდებით ეს მომენტები და ფაქტები შემოგთავაზოთ.
საუკეთესო მწვრთნელი: ანდრეა სტრამაჩონი (უდინეზე).
”ინტერიდან” წასვლის შემდეგ, ანდრეა სტრამაჩონიმ დაამტკიცა, რომ მწვრთნელობა მაღალ დონეზე კვლავ შეუძლია.
”უდინეზეს” სერია A-ში ბრწყინვალე სტარტი ჰქონდა. სექტემბერში, სტრამაჩონის გუნდს ადვილი კალენდარი არ ჰქონდა, 5 თამაშიდან, ”ზებრებს” 3 თამაში, ”ლაციოსთან”, ”ნაპოლისთან” და ”იუვენტუსთან უწევდათ. ”უდინეზე”, მხოლოდ ”იუვენტუსთან” დამარცხდა, დანარჩენ შეხვედრებში კი გამარჯვება მოიპოვა. ანდრეა სტრამაჩონიმ და მისმა ასისტენტმა, დეიან სტანკოვიჩმა, ”უდინეზეს” სათამაშო სტილში კორექტირება შეიტანეს. მათ ასევე გარკვეული საკარდრო ცვლილებებიც განახორციელეს (ძირითადი მეკარე გახდა ორესტის კარნეზისი, მარჯვენა მცველად მუდამ გვევლინება – სილვან ვიდმერი, ნახევარდაცვის ცენტრში კი – პანაიოტის კონე). შედეგად, ”უდინეზე” შედეგების მხრივ უფრო პროდუქტიული გახდა.
არ შეიძლება, რომ დი ნატალეს თამაში არ აღინიშნოს. 36 წლის ფეხბურთელი, ახალი სეზონის დასაწყისში, ფაქტობრივად მიწასთან გაასწორეს. აღარავინ ფიქრობდა, რომ ის 36 წლის ასაკში, კვლავ შესძლებდა გუნდისთვის ნაყოფიერი სარგებლის მოტანას. 2013 წლის მაისში, სტრამაჩონი ”ინტერიდან” გაანთავისუფლეს, ამის შემდეგ იგი აღარავის ახსოვდა, მაგრამ მან, სერია A-ში დაბრუნება, ტრიუმფალურად აღნიშნა. დღეისთვის, ”უდინეზე” სატურნირო ცხრილში მე-3 პოზიციაზე იმყოფება და ”იუვენტუსს” და ”რომას” 3 ქულით ჩამორჩება.
საუკეთესო ფეხბურთელი: კარლოს ტევესი (იუვენტუსი).
სექტემბერში, კიდევ ერთხელ დავრწმუნდით, რომ კარლოს ტევესი, სერია A-საუკეთესო თავდამსხმელია. არგენტინელი ფეხბურთელი, ”იუვენტუსის” მიერ დაფიქსირებული წარმატებული შედეგის ერთ-ერთი მთავარი ფიგურაა. გასულ თვეში, მის ანგარიშზე 4 გოლი და 1 საგოლე პასი დაფიქსირდა, ჩემპიონთა ლიგაზე კი 2 გოლი გაიტანა. კარლიტო თითქმის ყველა თამაშში იტანს, ასეთი ფეხბურთელის ხელში, ”იუვენტუსს” სადარდებელი ნამდვილად არ ექნება (მინიმუმ იტალიაში).
საუკეთესო მატჩი: ”პარმა” 4-5 ”მილანი”
ჩვენ ვიხილეთ ისეთი თამაში, რომელიც სერია A-ს დამახასიათებელ მოსაწყენ თამაშებს არ განეკუთვნება. ეს იყო გრანდიოზული შედეგი, რომელიც ჰოკეის სტილში მიმდინარეობდა. ესეთი თამაშები, ჩემპიონატს მართლაც რომ შესანიშნავ ხიბლს მატებს.
ყველაზე წარუმატებელი მწვრთნელი: რაფაელ ბენიტესი (ნაპოლი).
”ნაპოლის” მიმდინარე სეზონში საშინელი სტარტი ჰქონდა. ამ კლუბში, მფლობელებმა წარმოუდგენელი შრომა ჩადეს და რაფაელ ბენიტესმა აშკარად გაუცრუა იმედები. გუნდი უაზროდ კარგავს ქულებს. ”ნაპოლიში” აშკარად შეინიშნება დაცვის სუსტი თამაში და გუნდს უფრო მაღალკვალიფიციური მცველები ესაჭიროება. თურქეთსი გაყიდული გორან პანდევის აგენტი, კარლო პალავიჩინო ამბობს: ”ნაპოლის” გუნდური სულისკვეთება არ გააჩნია, დიდი გამარჯვების მისაღწევად, კი ეს ძალიან მნიშვნელოვანია. ასე რომ, რაფა ბენიტესი, გუნდის დატოვების ერთ-ერთ მთავარ კანიდატად მოიაზრება.
ყველაზე წარუმატებელი ფეხბურთელი: ნემანია ვიდიჩი (ინტერი).
ყველამ კარგად ვიცით, რომ ვიდიჩი, დაბალი დონის მცველთა სიას არ განეკუთვნება, მაგრამ სერბი ფეხბურთელი, სექტემბრის თვეში ერთ-ერთი ყველაზე წარუმატებელი მცველი იყო სერია A-ში. ვიდიჩი იღებს წითელ ბარათებს, ”იკიდებს” პენალტებს და უშვებს ისეთ შეცდომებს, რომელიც გუნდის საბოლოო შედეგზე უარყოფითად მოქმედებს. შესაძლოა ვიდიჩი, ”ინტერის” ტაქტიკურ სქემას ვერ შეეჩვია, რომელიც 3 მცველით თამაშს გულისხმობს. ვიდიჩი წლიურად 3 მილიონ ევროს იღებს, რის გამოც გუნდის მფლობელი კი მისგან გაცილებით მეტს ელის.
თვის შოკი: ”ინტერი” 1-4 ”კალიარი”.
ალბათ, ყველას გაუკვირდა ამ მატჩის საბოლოო შედეგი. გასულ თვეში, ”კალიარი” სერია A-ს გუნდებს შორის, ყველაზე ნაკლებად ჩანდა და საპატიო ბოლო ადგილიც ეკავა, მაგრამ მოვიდა ”ინტერთან” თამაშის დრო და ამ გუნდმა სასწაული ჩაიდინა, ”ინტერი”, ანგარიშით 1-4 გაანადგურა და მთელი მსოფლიო აალაპარაკა. ეს იყო ნამდვილი შოკი.
ფაქტი: ”იუვენტუსი” არის ერთადერთი გუნდი, რომელსაც სექტემბერში გოლი არ გაუშვია.
ციტატა: ”ყველა მწვრთნელი გადაწყვეტილების მიღებამდე ბევრს ფიქრობს. აწონ-დაწონის, თუ რომელი გადაწყვეტილება იქნება მისთვის საუკეთესო და მომგებიანი. 3 წლის განმავლობაში, ანტონიო კონტემ ”იუვენტუსში” ბრწყინვალე შედეგი აჩვენა. მე მისგან ბრწყინვალედ ორგანიზებული გუნდი ჩავიბარე, მაგრამ აქ კიდევ ბევრი რამ არის გასაუმჯობესებელი.” – მასიმილიანო ალეგრი, ”იუვენტუსის” მთავარი მწვრთნელი.
საუკეთეთესო 3 გოლი
სტეფანო ოკაკა (სამპტოდია) – გოლი ”ტორინოსთან”.
ჟერემი მენეზი (მილანი) – გოლი ”პარმასთან”. ჟერემი მენეზის მიერ ”პარმასთან” გატანილი გოლი, ევროპაში ერთ-ერთ საუკეთესო გოლად აღიარეს.
მატია დესტრო (რომა) – ცენტრიდან გატანილი გოლი ”ვერონასთან”.
რა გველის ოქტომბერში?
5 ოქტომბერი: ”იუვენტუსი” – ”რომა”, ”ფიორენტინა” – ”ინტერი”.
19 ოქტომბერი: ”ფიორენტინა” – ”ლაციო”, ”ინტერი” – ”ნაპოლი”.
26 ოქტომბერი: ”მილანი” – ”ფიორენტინა”.
29 სექტემბერს, იტალიის სერია A-ში “პალერმოსა” და “ლაციოს” შორის გამართულ მატჩში (0:4), “პალერმოს” ფეხბურთელმა პაულო დიბალამ შესანიშნავი დრიბლინგი განახორციელა.
რომის “ლაციოს” ვეტერანმა ფეხბურთელმა მიროსლავ კლოზემ სანაკრებო კარიერა დაასრულა. ამის შესახებ განცხადება 36 წლის თავდამსხმელმა რამდენიმე საათის წინ გააკეთა.
მსოფლიოს ჩემპიონატების ისტორიაში მიროსლავ კლოზე ყველა დროის საუკეთესო ბომბარდირია. 2014 წლის მუნდიალზე მან მე-16 გოლი გაიტანა, რითაც რონალდოს რეკორდი დაამხო.
“ბრაზილიაში მუნდიალის მოგებით ჩემი ბავშვობის ოცნება ავიხდინე. მიხარია, რომ გერმანიის ნაკრების გაჩემპიონებაში ჩემი წვლილი შევიტანე. გადაწყვეტილი მქონდა, რომ სანაკრებო კარიერას 2015 წელს დავასრულებდი, მაგრამ ეს გადავიფიქრე”, – ამბობს კლოზე.
შეგახსენებთ, რომ კლოზემ გერმანიის ნაკრების მაისურით ჩატარებულ 137 მატჩში 71 გოლი გაიტანა.
გემახსოვრებათ, მიმდინარე წლის დასაწყისში რომის „ლაციოს“ ახალწვეულ ჯოზეფ მილანას ასაკზე ერთი ამბავი რომ ატყდა. კამერუნელმა ნახევარმცველმა მთელი საფეხბურთო სამყარო შოკში ჩააგდო. ოფიციალური დოკუმეტებით, ის 1996 წლის 24 აგვისტოს დაიბადა, თუმცა მისი შემხედვარე ძნელად თუ დაიჯერებს, რომ მინალა 17 წლისაა.
იტალიის ფეხბურთის ფედერაციამ აღნიშნულ საქმესთან დაკავშირებით გამოძიება აწარმოა, რომლის შედეგებიც ასეთია: ჯოზეფ მინალა ნამდვილად 17 წლის არის. მის დოკუმენტაციაში დარღვევები არ აღმოჩნდა.
მოთამაშეს ბრალს სდებდნენ, რომ ნამდვილ ასაკს მალავდა. ბევრი აღნიშნავდა, რომ მინალა სინამდვილეში 40 წელს გადაცილებული იყო. კამერუნელი ფეხბურთელი კი დაჟინებით ამბობდა, რომ 17 წლის იყო და მისი გადაბერებული სახე მძიმე ბავშვობის შედეგი გახლდათ.
ჯოზეფ მინალა „ლაციოს“ ღირსებას 2013 წლიდან იცავს. მან სერია A-ს აწ უკვე დასრულებულ გათამაშებაში 3 მატჩი ჩაატარა.
ბექა დოგრაშვილი
გამოვიდა Fanebi.com-ის ინტერნეტ-ჟურნალის მეთვრამეტე ნომერი, რომელშიც წაიკითხავთ:
გვ. 2 — სპორტის სამინისტრომ ფეხბურთის განვითარების პროგრამა წარადგინა;
გვ. 3 — ჩემპიონთა ლიგის ფინალის მსაჯი – საინტერესო ფაქტები;
გვ. 4-6 — სუპერმენი მანჩესტერიდან;
გვ. 6 — კვირის ახალი ამბები;
გვ. 7-8 — კვირის კარიკატურები
შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal
11 მაისის ნომრის გაცნობა აქვე შეგიძლიათ
ჟურნალის მთავარი რედაქტორი: ბექა დოგრაშვილი
გამოვიდა Fanebi.com-ის ინტერნეტ-ჟურნალის მეჩვიდმეტე ნომერი, რომელშიც წაიკითხავთ:
გვ. 2 — პიარკამპანია ბანანით — დანი ალვესის მოქმედება დაგეგმილი იყო
გვ. 3 — ცხოვრება ოთხ ფერში
გვ. 4-5 — კვირის ახალი ამბები;
გვ. 6-7 — კვირის კარიკატურები;
გვ. 7-8 — ლევან კობიაშვილი: „ჩემს თავს ქართულ ფეხბურთში ვხედავ“ (ინტერვიუ)
შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal
4 მაისის ნომრის გაცნობა აქვე შეგიძლიათ
ჟურნალის მთავარი რედაქტორი: ბექა დოგრაშვილი
რომის “ლაციოს” თავდამსხმელმა მიროსლავ კლოზემ კლუბთან კონტრაქტი 2015 წლის ივნისამდე გაახანძლივა.
შეგახსენებთ, რომ გერმანელი ფეხბურთელი “ლაციოში” 2011 წელს მიუნხენის “ბაიერნიდან” გადავიდა. იტალიურ პრესაში კი, 35 წლის გამოცდილი მოთამაშის სხვა კლუბში გადაბარგებას განიხილავდნენ.
“მიხარია, რომ კლუბთან კონტრაქტი გავახანგძლივე. ეს იმას ნიშნავს, რომ ამ გუნდში მნიშვნელოვანი როლი მაკისრია”, – ამბობს კლოზე.
ცნობისთვის, იტალიის სერია A-ს მიმდინარე სეზონში, კლოზემ შვდი გოლის გატანა და ხუთი საგოლე პასის გაკეთება მოახერხა.
გამოვიდა Fanebi.com-ის ინტერნეტ-ჟურნალის მეთექვსმეტე ნომერი, რომელშიც წაიკითხავთ:
გვ. 2-3 — ტიტო ვილანოვა (1968 – 2014)
გვ. 4-5 — კვირის ახალი ამბები;
გვ. 6-7 — კვირის კარიკატურები;
გვ. 8 — ვინ იქნება „მანჩესტერის“ მწვრთნელი?
შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal
27 აპრილის ნომრის გაცნობა აქვე შეგიძლიათ
ჟურნალის მთავარი რედაქტორი: ბექა დოგრაშვილი
