მწვრთნელი, რომელსასც ბუნდესლიგა სამჯერ აქვს მოგებული ლონდონის “ფულემის” გადარჩენას ცდილობს.
“ახლა კარიერაში ყველაზე რთული დავალება მივიღე. თუმცა, გუნდი ვითარდება და იმედი მაქვს, რომ პრემიერლიგაში ადგილს შევინარჩნებთ. ბოლო ტურებში საკმაოდ კარგი კალენდარი გვაქვს” – განაცხადა მაგათმა.
ინგლისის ჩემპიონატის დასრულებამდე 10 ტურით ადრე, ფულემი სატურნირო ცხრილში ბოლო პოზიციაზეა.
“ჩელსის” მთავარმა მწვრთნელმა ჟოზე მოურინიომ განაცხადა, რომ ფელის მაგათს “ფულემის” გადარჩენა შეუძლია.
“ვფიქრობ, რომ მაგათი გამოცდილი სპეციალისტია, რომელსაც რთული გამოწვევების არ ეშინია. სეზონის მიმდინარეობისას გუნდის ჩაბარება საკმაოდ რთული საქმეა. იმედი მაქვს მაგათი “ფულემის” გადარჩენას მოახერხებს.
დარწმუნებული ვარ, რომ ისინი იბრძოლებენ და ბევრი ქულის აღებასაც შესძლებენ” – განაცხადა პორტუგალიელმა.
უახლოეს პერიოდში “ფულემს” უშუალო კონკურენტ “კარდიფთან” უწევს შეხვედრა.
