„ლოს-ანჯელეს ლეიკერსის“ მთავარმა მწვრთნელმა მაიკ დ’ანტონიმ კლუბის ხელმძღვანელობასთან ბოლო შეხვედრისას კონტრაქტის 2015/16 წლების სეზონამდე გახანგრძლივება ითხოვა, რის შესახებაც „ESPN Los Angeles“-ი წერს.
დ’ანტონის აზრით, კლუბში გარანტირებული დარჩენა მას თავისი სამუშაოს შესრულებაში ხელს შეუწყობს.
„The Orange County Register“-ის ინფორმაციით, „ლეიკერსმა“ დ’ანტონის დატოვება უკვე გადაწყვიტა, თუმცა ამის შესახებ სპეციალისტისთვის ჯერ არ უთქვამს.
კონტრაქტის მიხედვით, შემდეგ სეზონში დ’ანტონიმ ხელფასის სახით 4 მილიონი დოლარი უნდა მიიღოს.
