კუმანს 12-მატჩიანი დისკვალიფიკაცია ემუქრება

ესპანეთის პრიმერადივიზიონში მადრიდის “რეალთან” გამართული შეხვედრის (1:3) შემდეგ “ბარსელონას” მთავარმა მწვრთნელმა რონალდ კუმანმა მსაჯები და ვიდეოგამეორების სისტემა გააკრიტიკა, რის გამოც ორიდან 12 მატჩამდე დისკვალიფიკაცია ემუქრება.

ნიდერლანდელი სპეციალისტის წინააღმდეგ დისციპლინური საქმე აღძრეს მუხლით, რომელიც კრძალავს მსაჯების ან ესპანეთის სამეფოს ფეხბურთის ფედერაციის წევრების მიუკერძოებლობის ეჭვქვეშ დაყენებასა და მათ შეურაცხყოფას. შესაძლოა, კუმანს დისკვალიფიკაცია არ აკმარონ და 601-დან 3005 ევრომდე ოდენობის ჯარიმის გადახდაც დააკისრონ.

“რეალთან” ჩატარებული მატჩის შემდეგ კუმანმა მსაჯები გააკრიტიკა და თქვა, რომ მიმდინარე სეზონში VAR სისტემასთან დაკავშირებული სადავო ეპიზოდები მუდმივად მისი გუნდის საწინააღმდეგოდ წყდება.

კუმანი: “პრემიერლიგაში უცხოელი მწვრთნელების ყოფნა მნიშვნელოვანია”

“საუთჰემპტონის” მთავარი მწვრთნელი რონალდ კუმანი გამოტყდა, რომ ყოველთვის სურდა ინგლისში მუშაობა. შეგახსენებთ, რომ ჰოლანდიელი სპეციალისტი ინგლისურ გუნდს 2014/15 წლების სეზონიდან ხელმძღვანელობს. მანამდე კუმანს ჰოლანდიაში, ესპანეთსა და პორტუგალიაში მოუწია მუშაობა.

“ჩემი აზრით, ინგლისის პრემიერლიგაში უცხოელი მწვრთნელების ყოფნა მნიშვნელოვანია, რადგან შესაძლოა, აქ ახალი იდეები დაამკვიდრონ. ასევე, აუცილებელია ინგლისელი სპეციალისტების დაცვა, თუმცა, საბოლოო ჯამში, გადაწყვეტილებას მაინც კლუბები იღებენ.

ინგლისის ჩემპიონატში ყოველთვის თავგანწირვით იბრძვიან და სწორედ ამიტომ ჰყავს ამდენი მაყურებელი. აქ დიდი კლუბები თამაშობენ და ეს კიდევ ერთი მიზეზია, რატომაც მსურდა ინგლისში მუშაობა”, – კუმანის კომენტარს Goal.com-ი აქვეყნებს.

 

“ბარსაში” ლუის ენრიკეს კუმანით შეცვლიან?

“საუთჰემპტონის” მთავარ მწვრთნელ რონალდ კუმანს დაკავებული პოსტის დატოვების უფლება მიეცემა, თუ მის სანაცვლოდ რომელიმე კლუბი ორ მილიონ ფუნტ სტერლინგზე ოდნავ მეტს გაიღებს.

ბრიტანული “დეილი სთარის” ცნობით, არ არის გამორიცხული, რომ აღნიშნული პუნქტით “ბარსელონამ” ისარგებლოს და მიმდინარე წლის ზაფხულში ლუის ენრიკე სწორედ ფეხბურთის ჰოლანდიელი სპეციალისტით შეცვალოს.

შეგახსენებთ, რომ კუმანი მოთამაშის რანგში კატალონიური გუნდის ღირსებას 1989–1995 წლებში იცავდა და 1992 წელს გამართული ჩემპიონთა თასის ფინალურ მატჩში სწორედ მისი ერთადერთი გოლის წყალობით დაამარცხა “ბარსელონამ” იტალიური “სამპდორია”.

 

კუმანის კანდიდატურას საბერძნეთის ნაკრების თავკაცის პოსტზე განიხილავენ

ჰოლანდიური „ფეინოორდის“ თავკაცი რონალდ კუმანი საბერძნეთის ეროვნული ნაკრების მთავარი მწვრთნელის პოსტზე ფერნანდუ სანტუშის შემცვლელად მოიაზრება. ფეხბურთის ორივე სპეციალისტი დაკავებული თანამდებობის დატოვებას 2014 წლის ზაფხულში აპირებს.

„დარწმუნებული ვარ იმაში, რომ ჰოლანდიის საზღვრებს გარეთ ვიმუშავებ. მეტს ვერაფერს ვერ გეტყვით”, – კუმანის სიტყვები Voetbal International-მა გამოაქვეყნა.

გარდა ამისა, საბერძნეთის ნაკრების მთავარი მწვრთნელის პოსტზე „მილანის“ ყოფილი თავკაცის, მასიმილიანო ალეგრის კანდიდატურასაც განიხილავენ