“მანჩესტერ იუნაიტედის” ფეხბურთელები, ანდერსონი და ბებე, რომელთაც მოლოდინი ვერ გაამართლეს, კიდევ ერთ შანსს მიიღებენ.
23 წლის ბებემ თავისი უკანასკნელი შეხვედრა “წითელი ეშმაკების” რიგებში 2011 წლის თებერვალში ჩაატარა და მას შემდეგ იჯარის წესით ხეტიალობს. სათამაშო პრაქტიკის არ მქონე ანდერსონი კი იანვარში წავიდა ასევე იჯარის წესით.
იტალიურმა “ფიორენტინამ” 26 წლის ფეხბუთელის ტრანსფერი არ გამოისყიდა და ბრაზილიელი პორტუგალიელთან ერთად დაბრუნდა “იუნაიტედში”.
Manchester Evening News – ის ცნობით ლუი ვან გაალი არ აპირებს ორივე მოთამაშე მალევე ჩამოწეროს. ისინი შანსს წინა სასეზონო შეკრებებზე მიიღებენ.
დავამატებთ, რომ ბებესა და ანდერსონის კონტრაქტები მომავალ წელს იწურება, რის გამოც მათთან განშორების შესახებ გადაწყვეტილების მიღების შემთხვევაში ორივე ფეხბურთელი კლუბს ამ ზაფხულშივე დატოვებს.
წყარო: მანჩესტერ იუნაიტედის ქართული ფან-კლუბი – http://redarmy.ge/
