“გუანჩჟოუ ევერგრანდი” ჩინეთის ჩემპიონი გახდა, მარჩელო ლიპიმ კი კლუბის მთავარი მწვრთნელის პოსტის დატოვების გადაწყვეტლება მიიღო.
გავრცელებული ინფორმაციის თანახმად, ჩინური კლუბის თავკაცის თანამდებობაზე ლიპი შესაძლოა, ფაბიო კანავარომ ჩაანაცვლოს.
მარჩელო ლიპი “გუანჩჟოუს” 2012 წლიდან ხელმძღვანელობდა. ამ პერიოდის განმავლობაში იტალიელი სპეციალისტი გუნდთან ერთად სამჯერ გახდა ჩინეთის ჩემპიონი, მოიგო აზიის ჩემპიონთა ლიგაც.
მაშინ, როცა ევროპაში დიდთოვლობას ებრძვიან (თოვლი თვით სტამბულშიც მოვიდა), მიუნხენის „ბაიერნი“ საკლუბო მსოფლიოს ჩემპიონატში ჩასართველად ემზადება. ტურნირი თბილ მაროკოში მიმდინარეობს. გერმანელები ნახევარფინალური ეტაპიდან ერთვებიან და დღეს ჩინურ „გუანჩჟოუ ევერგრანდს“ დაუპირისპირდებიან.
„ბაიერნი“ საკმაოდ სერიოზულად ემზადება და არა იმიტომ, რომ გერმანელები ჩინურ კლუბს ასე აფასებენ, არამედ იმიტომ, რომ სავარჯიშო მოედნის ღობის გადაღმა მკაცრად მომზირალნი მაროკოელი ყმაწვილების თვალწინ ლაზღანდარობის უფლებას მხოლოდ გიჟი თუ მისცემდა საკუთარ თავს (ეს ხუმრობით, რა თქმა უნდა).
მატჩი „გუანჩჟოუ ევერგრანდსა“ და „ბაიერნს“ შორის დღეს, თბილისის დროით 23:30 საათზე აიღებს სტარტს.
ცნობისთვის, მეორე ნახევარფინალური მატჩი 18 დეკემბერს შედგება და ერთმანეთს მაროკოული „კასაბლანკა“ და ბრაზილიური „ატლეტიკო მინეირო“ დაუპირისპირდებიან.
ბექა დოგრაშვილი
