ფრანგმა თავდამსხმელმა ნიკოლა ანელკამ განაცხადა, რომ საფრანგეთის ნაკრების ყოფილ მთავარ მწვრთნელ რაიმონ დომენეკთან ამ დრომდე კონფლიქტი აქვს. შეგახსენებთ, 2010 წლის მსოფლიოს ჩემპიონატის პერიოდში მათ შორის დაპირისპირება იქამდე მივიდა, რომ ანელკა ნაკრებიდან გააძევეს.
„ყველამ კარგად ვიცით, რა მოხდა სამხრეთ აფრიკაში და ვინ არის დამნაშავე. მეცინება, როდესაც ის საკუთარ თავს მსხვერპლად წარმოაჩენს. ამ იმიჯის წყალობით წიგნებიც ადვილად ეყიდება.
კი ბატონო, მე მწვრთნელს შეურაცხყოფა მივაყენე, მაგრამ მანამდე მან შეურაცხო მთელი საფრანგეთი. მან არ იცის, რა არის გამარჯვება, ამიტომ მე მას პატივს არ ვცემ. როდესაც კარლო ანჩელოტისთან და სხვა მწვრთნელებთან გაქვს ნამუშევარი, ძნელია, დომენეკის მეთოდს შეეგუო. მე მას შეურაცხყოფა მივაყენე და ამას კიდევ ერთხელ გავაკეთებდი“, – განუცხადა ანელკამ „მეტრო ნიუსს“.
ბექა დოგრაშვილი