დღეს მადრიდის “ატლეტიკო” ევროპის ლიგის ფინალში მარსელის “ოლიმპიკს” დაუპირისპირდება. ესპანელთა კაპიტანმა, გაბიმ წინასამატჩო პრესკონფერენცია გამართა.
“ჩვენ სტაბილურობა და თანმიმდევრულობა გვახასიათებს. ვიცით, როგორ უნდა ვიგრძნოთ მატჩი და შესაბამისად მივყვეთ მას. ყველა ფინალსა თუ მატჩში ვაჩვენეთ, რომ ეს ჩვენი ძლიერი მხარეა. ამ გზით უკვე შვიდი წელია მივდივართ და ვვითარდებით. მწვრთნელი ამ სტილით გვამუშავებს, რამაც შესანიშნავი შედეგები მოიტანა. წარსულში არავინ გვიცნობდა, ახლა თითოეული ჩვენგანი და, შესაბამისად, მთელი გუნდი გავიზარდეთ. ევროპაში ბევრისთვის მისაბაძნი ვართ. ვიმედოვნებ, ამ მიმართულებით სვლას კიდევ დიდ ხანს განვაგრძობ.”
“გრიზმანი? მის შესახებ ყოველთვის ვსაუბრობთ. მნიშვნელოვანია, რომ მან ტიტულები მოიგოს, რადგან ის უმაღლეს დონეზე თამაშობს. ვიმედოვნებ, “ატლეტიკოში” ეს მისი ბოლო ფინალი არაა. გრიზმანი ჩვენ გვჭირდება,” – ამბობს კაპიტანი.
