პარასკევს სპლიტის „ჰაიდუკის“ ქართველი თავდამსხმელი გიორგი ილურიძე ავტოავარიაში მოყვა. ინფორმაციას ამის შესახებ ხორვატული ინტერნეტ-გამოცემა „24 საათი“ ავრცელებს.
საბედნიეროდ, ინციდენტის შედეგად არავინ დაშავებულა.
ავტოავარია სპლიტში მოხდა, როდესაც ილურიძე თანაგუნდელთან ერთად ქალაქ რიეკაში მორიგი მატჩის (1:4) გასამართად მიდიოდა. როგორც ირკვევა, დამნაშავე ქართველი ფეხბურთელი არ არის. ილურიძის წინ მიმავალმა ავტომანქანამ მოულოდნელად დაამუხრუჭა, ქართველმა ლეგიონერმა შეჯახების თავიდან აცილების მიზნით მსწრაფლ გზიდან გადაუხვია, თუმცა ხეს შეასკდა. ილურიძესთან ერთად მანქანაში „ჰაიდუკის“ უზბეკი თავდამსხმელი თემურხუჯა აბდუხოლიკოვი იჯდა. ავტომობილის წინა ნაწილი მცირეოდენ დაზიანდა.
ბექა დოგრაშვილი