ჭდე: პაულუ ფერეირა

ჩემპიონთა ლიგის ნახევარფინალურ ეტაპზე ლონდონის „ჩელსი“ მადრიდის „ატლეტიკოს“ შეხვდება. ინგლისური კლუბის წარმომადგენელი პაულუ ფერეირა თვლის, რომ

„წილისყრამ მეტოქედ მეტად ძლიერი გუნდი გვარგუნა. „ატლეტიკო“ ძალიან კარგად გამოიყურებოდა მეოთხედფინალურ ეტაპზე და ნახევარფინალში თამაში დაიმსახურა.

ვიცით, რომ გარკვეულ პრობლემებს წავაწყდებით. შესაძლოა, სულ მცირე დეტალებმა ბევრი რამ გადაწყვიტოს. ამიტომ, „ატლეტიკოსთან“ გასამართი მატჩისთვის ძალიან კარგად უნდა მოვემზადოთ. რა თქმა უნდა, ჟოზე მოურინიოს გამოცდილება დაგვეხმარება. მან იცის, როგორ მიაღწიოს გამარჯვებას ასეთ საპასუხისმგებლო მატჩში“, – განუცხადა პაულუ ფერეირამ „ევროსპორტის“ კორესპონდენტს.

წყვილის პირველი მატჩი 22 აპრილს, მადრიდში შედგება, განმეორებითი კი – 30 აპრილს, ლონდონში.

ბექა დოგრაშვილი