ჭდე: მარკოიშვილი

თორნიკე შენგელიას გუნდი ევროლიგას გამოეთიშა. ბასკურ „ლაბორალ კუჩს“ პლეი ოფამდე 1 ნაბიჯი დააკლდა. წარმატების გასაღები ვიტორიელებს საკუთარ ხელში ჰქონდათ. ჯგუფიდან გასასვლელად მათ თანამემამულე კლუბის – „უნიკახას“ დამარცხება მართებდათ, რაც ვერ მოახერხეს და ევროპის ყველაზე პრესტიჟულ საკლუბო ტურნირს გამოეთიშნენ.

„ლაბორალ კუჩას“ ჯგუფიდან გასვლა რეალური მას შემდეგ გახდა, რაც კონკურენტი „ეფესი“ ასევე თანამემამულე „ფენერბაჰჩესთან“ 72:83 დამარცხდა. აღნიშნული მატჩის შედეგი ვიტორიელებმა იცოდნენ, როცა „უნიკახას“ეთამაშებოდნენ, მაგრამ მალაგაში გამარჯვება შენგელიას გუნდმა ვერ მოახერხა – 84:93 დამარცხდა და ჯგუფში მე-4 ადგილი, შესაბამისას პლეი ოფის საგზურიც „ეფესს“ ერგო.

თორნიკე შენგელია სასტარტო ხუთეულში იყო და მოედანზე 17:25 წუთი გაატარა. ქართველმა ფორვარდმა 6-დან 4 ორქულიანი და 2-დან 1 საჯარიმო ჩააგდო, 1 სამიანი კი ააცილა. 9 ქულასთან ერთად 3 მოხსნა და 1 დაფარება მიითვალა. საუკეთესო შედეგი ვიტორიელთაგან ფაბიენ კოსიემ დააფიქსირა, რომელმაც 33 წუთში 21 ქულა მიითვალა.

რაც შეეხება ევროლიგის მონაწილე მეორე ქართველს, მანუჩარ მარკოიშვილი ტურნირში ასპარეზობას აგრძელებს. მისმა ცსკა-მ ჯგუფური ეტაპის ბოლო ტურში მილანში „ემპორიო არმანი“ 88:79 დაამარცხა. მარკოიშვილმა 14:17 წუთი ითამაშა და 2 ქულა, 1 მოხსნა, 1 პასი და 1 ჩაჭრა მოაგროვა. მანუჩარმა 1 ორქულიანი ჩააგდო, 1 სამიანი კი ააცილა. 19 ქულით მოსკოველთაგან საუკეთესო საშა კაუნი გახლდათ.

ცსკა-მ საბოლოოდ F გუფში პირველი ადგილი დაიკავა და მეოთხედფინალში ბერძნულ „პანათინაიკოსს“ შეხვდება, რომელიც I ჯგუფში მეოთხე ადგილზე გავიდა. საპლეიოფო სერია 3 გამარვებამდეა, თამაშები 14 აპრილიდან დაიწყება.

ვითიბი ლიგაში მორიგი ტური გაიმართა და ქართველი ლეგიონერების გუნდებმაც თავთავიანთი მატჩები გამართეს. მანუჩარ მარკოიშვილის ცსკამ ასტანაში ყაზახური გუნდი დაამარცხა, ხოლო ლევან ფაცაციას „ნიჟნი ნოვგოროდმა“ტურნირზე მე-4 მარცხი „ხიმკისთან“ განიცადა.

არმიელები რომ ყაზახეთში „ასტანას“ დაამარცხებდნენ, ამაში ეჭვის შეტანა რთული იყო. მოსკოვურმა გრანდმა ზომიერი სხვაობოთ – 78:60 იმარჯვა და ცხრილში მეორე ადგილზე ერთპიროვნულად განთავსდა.

ქართველმა ლეგიონერმა 19:37 წუთი ითამაშა. ის სასტარტო ხუთეულში არ ყოფილა. მარკოიშვილმა 4-დან 1 ორქულიანი, 2-დან 1 სამიანი და 4-დან 3 საჯარიმო ჩააგდო. 8 ქულასთან ერთად მანუჩარმა 2 მოხსნა, 1 პასი და გუნდში უმეტესი 3 ჩაჭრა მოაგროვა. საუკეთესო შედეგი საშა კაუნმა დააფიქსირა, რომელმაც პირად ანგარიშზე 12 ქულა, 6 მოხსნა და 4 დაფარება ჩაიწერა.

ფაცაციას გუნდმა „ხიმკისთან“ შინ წააგო. მატჩი დაძაბული იყო და მისი ბედი ოვერტაიმში გაირკვა. ძირითადი დრო 79:79 დასრულდა, ექსტრახუთწუთეულში კი „ხიმკიმ“ 94:86 იძალა. ქართველმა ლეგიონერმა 11:10 წუთი ითამაშა და მოედანი უქულოდ, 1 მოხსნით დატოვა. ფაცაციამ 2-2 სამიანი და ორქულიანი ააცილა.

ცხრილში პირველ ადგილზე „ხიმკია“. მეორე ცსკა-ა, ხოლო მესამეზე „ნიჟნი ნოვგოროდია“ განთავსებული.

gbf.ge

ვითიბი ლიგაში ქარველი კალათბრთელების გუნდები შეხვდნენ. ტურნირის ერთადერთმა წაუგებელმა გუნდმა „ნიჟნი ნოვგოროდმა“, რომლის ღირსებასაც ლევან ფაცაცია იცავს, მანუჩარ მარკოიშვილის ცსკა-ს უმასპინძლა და შანსოდ წააგო. მოსკოვურმა გრანდმა მასპინძლები 84:59 გაანადგურა.

ქართველთაგან სასტარტო ხუთეულში მხოლოდ ფაცაცია იყო, რომელმაც მოედანზე 14:41 წუთიდაჰყო და 3 მოხსნა, 1 პასი და 1 ჩაჭრა მოაგროვა. ლევანმა თითო სამქულიანი და ორქულიანი ააცილა,ბურთი ერთხელ დაკარგა და 1 პერსონალური ფოლი მიიღო.

მარკოიშვილმა 19:33 წუთი ითამაშა და მოსკოვურ კლუბს 10 ქულა, 3 მოხსნა და 1 პასი შესძინა.ქართველმა უკანახაზელმა ორქულიანი, 4-დან 2 სამქულიანი და 2-ვე საჯარიმო ჩააგდო, 1 შეცდომადაუშვა, ერთხელ დაჯარიმდა და მის წინააღმდეგაც თამაშის წესები ერთხელ დაირღვა.

ცსკა–ს და “ნიჟნი ნივოგოროდს” უკვე ერთნარი მაჩვენებლები (10 მოგება, 1 მარცხი) გააჩნიათ დაპირველ–მეორე პოზიციებს ინაწილებენ. ვითიბი ლიგის მორიგი ტურის კიდევ ერთი ცენტრალურიმატჩი 22 დეკემბერს ჩატარდება, როდესაც მესამედგილოსანი “ხიმკი” მე-4 პოზიციაზე მყოფ ვიქტორსანიკიძის “უნიკსს” უმასპინძლებს.

 gbf.ge