შაბათს „მანჩესტერ იუნაიტედის“ გულშემატკივართა „ტვიტერის“ გვერდზე შემდეგი პოსტი გამოქვეყნდა: „ლუკ შოუს თაობაზე იდიოტური ჭორი გავრცელდა, სინამდვილეში კი ის გეი არ არის. და თუ ეს ასეც არის, მაშინ ამას მაინც არანაირი მნიშვნელობა აქვს. ის „იუნაიტედის“ ფეხბურთელია და მას მხარს ვუჭერთ“.
ზემოხსენებულ პოსტს შპოუმ „ტვიტერზე“ ასე უპასუხა: „მე გეი არ ვარ, ასე რომ, ახლა ყველას გაჩუმება შეუძლია“.
„მანჩესტერ იუნაიტედის“ მცველი ლიუკ შოუ ჰოლანდიის საავადმყოფოდან გამოწერეს. როგორც „სქაი სპორტსი“ იტყობინება, ახლა ფეხბურთელი მკურნალობას ინგლისში გააგრძელებს.
შეგახსენებთ, რომ „პსვ ეინდჰოვენთან“ ჩემპიონთა ლიგის ჯგუფური ეტაპის პირველი ტურის მატჩში შოუმ ფეხის ორმაგი მოტეხილობა მიიღო. ფეხბურთელს ჰოლანდიაში ორი ოპერაცია ჩაუტარდა, ახლა კი ექიმებმა მას მანჩესტერში გაფრენის საშუალება მისცეს.
“მანჩესტერ იუნაიტედის” ახალწვეულმა ლიუკ შოუმ მუხლქვედა მყესი დაიშავა, რის გამოც ერთი თვით ლაზარეთში ყოფნა მოუწევს. 19 წლის ფეხბურთელი მოედანზე გასვლას დაახლოებით 4 კვირის განმავლობაში ვერ შეძლებს.
შეგახსენებთ, რომ ინგლისის ნაკრების მცველი “მანჩესტერ იუნაიტედში” “საუთჰემპტონიდან” 27 ივნისს გადავიდა. შოუ სწორედ “საუთჰემპტონის” აღზრდილი გახლავთ, ძირითად გუნდში კი 2012 წლიდან გამოდის. “წითელმა ეშმაკებმა” ახალგაზრდა მცველის სანაცვლოდ 27 მილიონი ფუნტ სტერლინგი გაიღეს. ფეხბურთელი ინგლისის ეროვნული ნაკრების სამუნდიალე განაცხადშიც იყო შეყვანილი და ბრაზილიაში გამართული მსოფლიოს ჩემპიონატის ერთ შეხვედრაშიც მიიღო მონაწილეობა.
აქვე გაცნობებთ, რომ ლიუკ შოუ “მანჩესტერ იუნაიტედში” 3-ნომრიანი მაისურით ითამაშებს, რომელიც მანამდე პატრის ევრას ემოსა. როგორც მოგეხსენებათ, ფრანგი მარცხენაფლანგელი ტურინის “იუვენტუსში” გადავიდა.
ზაფხულში “საუთჰემპტონი” ფეხბურთელის, ლიუკ შოუს გამო დიდი სატრანსფერო ბრძოლა დაიწყება.
ინგლისური პრესის ცნობით “მანჩესტერ იუნაიტედი” მზად არის ახალგაზრდა მოთამაშეში 30 მილიონი გირვანქა გადაიხადოს.
მანჩესტერელების მთავარი კონკურენტი ლონდონის “ჩელსია”, თუმცა ლურჯები 18 წლის ფეხბურთელში ამხელა თანხის გადახდას ერიდებიან.
