ჩემპიონთა ლიგაზე “არსენალი” სტუმრად “პსჟ”-ს დაუპირისპირდა და ფრედ 1-1 ითამაშა.
შეხვედრის შემდეგ ჟურნალისტებთან “მეთოფეთა” თავკაცმა, არსენ ვენგრემა ისაუბრა.
“მიუხედავად სწრაფი გოლისა, არ დავიბენით და მენტალურად არ გავტყდით. შესაბამისად, გოლი, რომელიც გავიტანეთ, ნამდვილად დავიმსახურეთ!”
“პირველ ტაიმში მეტოქე გუნდის ფეხბურთელებთან ბევრ დუელს ვაგებდით. ამ მხრივ სიტუაცია მეორე ნახევარში გამოსწორდა.”
“საბოლოოდ, “პსჟ”-მ ყურადღება მოადუნა და ეს კარგად გამოვიყენეთ. სანჩესმა შესანიშნავი გოლი გაიტანა და გუნდს მნიშვნელოვანი ქულა მოუტანა,” – განაცხადა ვენგერმა.