ჭდე: 3×3 კალათბურთი

ოზურგეთის ტურის გამარჯვებული Space Jam გახდა

Posted on by Levan

3X3 კალათბურთში საქართველოს ჩემპიონატის მორიგი შესარჩვი ტური ოზურგეთში ჩატარდა, სადაც თავი 5-მა გუნდმა მოიყარა. ზედიზედ 3 ტურის (მცხეთა, თელავი, ბათუმი) მოგების შემდეგ წაუგებელი სერია დაარღვია გუნდმა AND1-მა.  ფავორიტი გუნდის მძლეველი „Space Jam”-ი (კახა გიორგაძე, ირაკლი ქილიფთარი, საბა ზაქრაძე, კახა სირბილაშვილი) გახდა, რომელმაც ფინალურ მატჩში AND1 (დათო ეძგვერაძე, თორნიკე ვარდოსანიძე, გიორგი ვახანია, ზუკა მაჩალაძე) 17:14 დაამარცხა.

ტურნირის მონაწილე 5 გუნდი – space jam, gurulebi, Old boys, And 1 და Poenix ერთ ჯგუფში იყო თავმოყრილი და 1 წრის შემდეგ ფინალში 2 საუკეთესო გავიდა. ფავორიტად მიჩნეულ AND1 -ს space jam-მა დიდი წინააღმდეგობა გაუწია და, საბოლოოდ, გამარჯვებასაც მიაღწია. შესაბამისად, საქართველოს ჩემპიონატის ფინალური ეტაპის საგზური გურიის წარმომადგენელმა „Space Jam”-მა მოიპოვა.

გამარჯვებული და მეორე ადგილის მფლობელი AND 1 გურიის კალათბურთის ფედერაციის პრეზიდენტმა, ლაშა თოიძემ მედლებითა და სიგელებით დააჯილდოვა. პირველ ადგილზე გასულ „Space Jam”-ს კი გურიის ფედერაციის პრეზიდენტისგან საჩემპიონო თასი ერგო.

მორიგი შესარჩევი ტური 1 ივლისს ზუგდიდში გაიმართება.

superleague.ge

აჭარის რეგიონიდან 3×3 ჩემპიონატის ფინალში ბათუმური გუნდი გავიდა

Posted on by Levan

3X3 კალათბურთში საქართველოს ეროვნული ჩემპიონატის რიგით მეოთხე შესარჩევ ტურს ბათუმმა უმასპინძლა. თბილისის, მცხეთის და თელავის შემდეგ ფინალური ეტაპის საგზური ბათუმშიც გათამაშდა, სადაც თავი ძირითადად აჭარის რეგიონის გუნდებმა მოიყარეს, თუმცა რამდენიმე ძლიერი გუნდი ქუთაისიდან და თბილისიდანაც ჩავიდა.

სწორედ ერთადერთმა თბილისურმა გუნდმა მოიგო ტურნირი – ისევე როგორც წინა ორ ტურში – მცხეთასა და თელავში – ბათუმშიც გუნდმა AND1-მა იმარჯვა. აღსანიშნავია, რომ გუნდი ბათუმში გადახალისებული შემადგენლობით იმყოფებოდა. ლევან ტუხაშვილი და ირაკლი ალხანაიძე გიორგი ვახანიამ და თორნიკე ვარდოსანიძემ ჩაანაცვლეს. გუნდის დანარჩენი 2 წევრი დათო ეძგვერაძე და ზუკა მაჩალაძე გახლდნენ.

AND1-მა ტურნირი კი მოიგო, მაგრამ 12 ივლისს, თბილისში გასამართ საქართველოს ჩემპიონატის ფინალური ეტაპის საგზურს ვერ დაეპატრონა. დებულების თანახმად, ფინალის საგზური ერგება იმ რეგიონის საუკეთესო გუნდს, სდაც შესარჩევი ტური ტარდება.  ბათუმიდან საქართველოს ფინალში გადავიდა “Angry Dolphins”-ი (ლევან ელიაძე, ნიკა რამიშვილი, ირაკლი ნიკურაძე), რომელმაც ფინალური შეხვედრა დაძაბულ ბრძოლაში – 16:17 დათმო AND1-თან.

ბათუმის ტური ნაცვლად ბულვართან ახლოს, ქართული ანბანთქების მონუმენტისა, ეგრეთ წოდებულ ყინულის მოედანზე გაიმართა. ამის მიზეზი წვიმიანი ამინდი იყო, რის გამოც ღია ცის ქვეშ შეჯიბრის გამართვა შეუძლებელი გახდა. მიუხედავად ადგილმდებარეობის ცვლილებისა, ტურნირში საკმაოდ ბევრმა – 18 გუნდმა მიიღო მონაწილეობა, რომლებიც 6 ჯგუფში განაწილდნენ.

თბილისურ და ბათუმურ გუნდებთან ერთად ნახევარფინალში 2 ქუთაისური გუნდი – “ბრატები” და “ქორები” გავიდნენ. იმერელთა სამწუხაროდ, ფინალში ვერც ერთი ქუთაისური გუნდი ვერ გავიდა. ფინალი კი, როგორც უკვე აღვნიშნეთ, ძალიან საინტერესო და დაძაბული გამოდგა. მატჩის ბედი ბოლო წამებზე გადაწყდა – ტურნირის გამორჩეულმა მოთამაშემ – სუპერლიგის “ბათუმის” წევრმა ნიკა რამიშვილმა ბოლო წამზე გამთანაბრებელი საჯარიმო ააცილა და გამარჯვება თბილისურ AND1-ს დარჩა.

გამარჯვებულები სიგელებით, მედლებითა და საჩემპიონო თასით აჭარის კალათბურთის ფედერაციის პრეზიდენტმა – გოდერძი კორძაძემ დააჯილდოვა. საქართველოს ჩემპიონატის მორიგი შესარჩევი ტური 30 ივნისს, ოზურგეთში გაიმართება.

superleague.ge

თელავის ტური AND1-მა, ფინალის საგზური – “მიქსმა” მოიგო

Posted on by Levan
3X3 კალათბურთში საქართველოს ჩემპიონატის თელავის ტური დასრულდა. გამარჯვება კვლავ გუნდმა AND1-მა (დავით ეძგვერაძე, ირაკლი ალხანაიძე, ზურა მაჩალაძე, ლევან ტუხაშვილი) მოიპოვა, რომელმაც ფინალურ მატჩში თელავის „მიქსი“ (ბექა ნუცუბიძე, დავით პაპუნაშვილი, სოსო იაგორაშვილი, დავით აკოლაშვილი) დაამარცხა.

AND1-მა მოიგო საქართველოს ჩემპიონატის წინა, 26 ივნისს გამართული ტურიც, რომელსაც მცხეთამ უმასპინძლა. მიუხედავად გამარჯვებისა, გუნდს არ ერგო 12 ივლისს, თბილისში გასამართი ფინალური ეტაპის საგზური, რადგან დებულების თანახმად, ფინალური ეტაპის საგზური თამაშდება იმ რეგიონის გუნდებს შორის, სადაც შესარჩევი ტური ტარდება.

გუნდ AND1-ის გარდა თელავის ტურში თავი მთლიანად კახეთის წარმომადგენლებმა მოიყარეს. ტურნირში მონაწილეობა 14-მა გუნდმა მიიღო – თელავში სათამაშოდ ჩამოვიდნენ ლაგოდეხიდან, ახმეტიდან, დედოფლისწყაროდან, სიღნაღიდან, საგარეჯოდან, გურჯაანიდან…

14 გუნდი გაყოფილი იყო 5 ჯგუფში, მომდევნო ეტაპზე კი 8 საუკეთესო გავდა, რომლებმაც პირველობისთვის ბრძოლა მეოთხედფინალიდან გააგრძელეს. ძირითადი ბრძოლები ნახევარფინალში გაიმართა, სადაც ერთმანეთს „მიქსი“ – „ჯოკაბონატო“ დაAND1 – “ლაგოდეხი“ შეხვდნენ. „მიქსმა“ დაძაბულ ბრძოლაში (15:12) მოიპოვა ფინალის საგზური, ხოლო მომავალმა ჩემპიონმა ლაგოდეხელები იოლად – 17:10 დაამარცხა.

ნახევარფინალში ტრავმა მიიღო „მიქსის“ ერთ-ერთმა ლიდერმა დავით პაპუნაშვილმა, რომელიც ფინალში თავისიანებს ვერ დაეხმარა. წამყვანი მოთამაშის გარეშე დარჩენილმა AND1-მა მასპინძლები იოლად, ეფექტური გდებების ფონზე 21:12 დაამარცხა და მცხეთის მერე ზედიზედ მეორე ტური მოიგო.

საქართველოს ჩემპიონატის მორიგი გაჩერება ბათუმშია, სადაც 29 ივნისს აჭარის რეგიონის შესარჩევი ტური გაიმართება.

superleague.ge

მცხეთის ტურიდან ფინალის საგზური “მისაქციელმა” მოიპოვა

Posted on by Levan

გუნდ And 1-ის გამარჯვებით დასრულდა 3X3 კალათბურთში საქართველოს ჩემპიონატის მცხეთის ტური. თბილისის ტურის შემდეგ ეს იყო რიგით მეორე შესარჩევი ტურნირი, რომლის მიზანიც საქართველოს ჩემპიონატის ფინალური ეტაპისთვის მონაწილეების გამოვლენაა.

თბილისის ტურმა, 22 ივნისს, 6 ფინალისტი გამოავლინა. მცხეთას კი ერთგუნდიანი კვოტა ერგო და ეს ადგილიც გუნდმა „მისაქციელმა“ მოიპოვა, რომელსაც 2 თბილისელი მოთამაშე ჰყავდა დამატებული. განვმარტავთ, თუ რატომ არ ერგო მცხეთის ტურის გამარჯვებულ AND 1-ს ფინალის საგზური. რეგიონალურ ტურებში ფინალური ეტაპის საგზურები განკუთვნილია მხოლოდ ადგილობრივი გუნდებისთვის, ხოლო სხვა ქალაქიდან ჩასული გუნდების მოტივაცია ისაა, რომ წარმატების შემთხვევაში მათ პირადი რეიტინგი უუმჯობესდებათ.

მცხეთის ტურში მონაწილეობა 7-მა გუნდმა მიიღო, რომლებიც 2 ჯგუფში იყვნენ გადანაწილებულნი:  AND1, “ქლაჩ“, „პუმას“, „მისაქციელი“, „მცხეთა უორიორს“, „ოპტიმუს 14“ და „სამაია“.

ჯგუფური ეტაპის შემდეგ ფინალში „მისაქციელი“ და AND1 გავიდნენ. მატჩი თავიდან იყო დაძაბული, თუმცა შემდეგ AND1-მა სოლიდური უპირატესობა მოიპოვა და მატჩი დროზე ადრე მოიგო. ეს ნიშნავს, ორმ გამარჯვებული 21 ქულამდე დროის ამოწურვამდე ავიდა და თამაში შეწყდა: 21:9.

ტურნირის დასრულების შემდეგ გაიმართა გამარჯვების ცერემონიალი. გამარჯვებული გუნდი დათო ეძგვერაძის, ირაკლი ალხანაიძის, ზუკა მაჩალაძის და ზურა მაისურაძის შემადგენლობით კალათბურთის ფედერაციის 3X3 კალათბურთის განყოფილების ხელმძღვანელმა გიგა გურგენიძემ სიგელებით, მედლებით და თასით დააჯილდოვა. მანამდე კი გუნდი „მისაქციელი“ (დათო სიდამონიძე, ლევან ლოლიშვილი, გიორგი ხუროშვილი, დავით დეკანოიძე) მეორე ადგილის მფლობელისთვის განკუთვნილი სიგელ-მედლებით მცხეთის მუნიციპალიტეტის სპორტისა და ახალგაზრდობის საქმეთა სამსახურის უფროსმა თამაზ გრძელიშვილმა დააჯილდოვა.

საქართველოს ჩემპიონატის მორიგი ტური 26 ივნისს თელავში გაიმართება.

superleague.ge

3X3 კალათბურში ეროვნული ჩემპიონატის თბილისის შესარჩევი ტური გუნდი 13-ის გამარჯვებით დასრულდა

Posted on by Levan

“თბილისი მოლში” დასრულდა 3X3 კალათბურთში საქართველოს ეროვნული ჩემპიონატის დედაქალაქის შესარჩევი ტური, რომლის გამარჯვებულიც გუნდი 13 (ცამეტი)  გახდა (ვატო ბააკაშვილი, ვახტანგ ქადარია, ოთო ბულიავა, ზაზა სვანიძე).  ფინალურ მატჩში “13”-მა  გუნდი Y.O. L.O. (ბექა ჩიკვილაძე, გივი ბაქრაძე, საბა ლობჟანიძე, ილია ლონდარიძე) ოვერტაიმში, 20:18 დაამარცხა.

1-2 ადგილზე გასული გუნდები სპორტისა და ახალგაზრდობის საქმეთა მინისტრმა ლევან ყიფიანმა და კალათბურთის ეროვნული ფედერაციის პრეზიდენტმა მიხეილ გაბრიჩიძემ ერთობლივად დააჯილდოვეს. 

ტურნირის საუკეთესო მოთამაშე გამარჯვებული გუნდის წევრი, ოთო ბულიავა გახდა, რომელსაც სპეცალური პრიზი “თბილისი მოლის” მარკეტინგის მენეჯერმა, იანა კოკოულინამ გადასცა.

3X3 კალათბურთში ეროვნული ჩემპიონატის დაწყებასთან დაკავშირებით “თბილისი მოლში” დღეს გახსნის საზეიმო ცერემონიალი გაიმართა, რომელსაც ტურნირის ორგანიზატორები, მხარდამჭერები და სპონსორი კომპანიების წარმომადგენლები დაესწრნენ.

superleague.ge

თბილისი მოლში 3×3-ზე კალათბურთის ჩემპიონატი გაიხსნა

Posted on by Levan

დღეს, თბილისი მოლში 3×3-ზე კალათბურთში საქართველოს პირველი ეროვნული ჩემპიონატის გახსნის საზეიმო ცერემონიალი და პირველი, თბილისის ეტაპის მატჩები გაიმართა. ტურნირი საქართველოს მასშტაბით, რეგიონებში გაგრძელდება. ფინალურ ეტაპს კი კვლავ თბილისი უმასპინძლებს.

მიხეილ გაბრიჩიძე (კალათბურთის ფედერაციის პრეზიდენტი): “დიდი მადლობა თბილისი მოლს, სპორტსმენებს და შეკრებილ საზოგადოებას. გვაქვს პატივი ჩავატაროთ პირველი ჩემპიონატი. მადლობა ჩვენს მხარდმჭერ კომპანიებს.”

ლევან ყიფიანი ( სპორტისა და ახალგაზრდობის საქმეთა მინისტრი): “მოგესალმებით, დიდი მადლობა მობრძანებისთვის. დიდი მადლობა თბილისის მოლს. მადლობა ყველა მნაწილეს და კალათბურთის ფედერაციას.”

სიტყვით გამოსვლის შემდეგ საგანგებოდ შექმნილ მოედანზე გახსნის ეფექტური ცერემონიალი დაიწყო, რომლის დასრულების შემდეგ მატჩები განახლდა.

IMG_8527IMG_8512IMG_8478IMG_8465IMG_8455IMG_8431IMG_8420IMG_8419IMG_8409IMG_8441

 

მარიამ ნიშნიანიძის ფოტოები

ფოტოები იხილეთ ჩვენს ექსკლუზიურ გალერეაში

3X3 კალათბურთში თბილისის ტურის კალენდარი ცნობილია

Posted on by Levan

3X3 კალათბურთში საქართველოს ეროვნული ჩემპიონატის პირველი შესარჩევი ტურის კალენდარი ცნობილია. „თბილისი მოლში“ 22 ივნისს გასამართი თბილისის ტური დილის 10 საათიდან დაიწყება და თამაშები I და II მოედნებზე შემდეგი კალენდრით წარიმართება:

შეგახსენებთ გათამაშების ფორმატს. თბილისის შესარჩევ ტურნირში სულ 50 გუნდი მონაწილეობს, რომლებიც 16 ჯგუფსი არიან გადანაწილებულნი. შექმნილია 14 სამგუნდიანი და 2 ოთხგუნდიანი ჯგუფი. თითოეული ჯგუფიდან თითო საუკეთესო გავა და შესაბამისად, გუნდები პლეი ოფს მერვედფინალიდან დაიწყებენ.

თბილისის ტურის მიზანია, გამოავლინოს ის საუკეთესო 6 გუნდი, რომლებიც 12 ივლისს დაგეგმილ საქართველოს ჩემპიონატის ფინალურ ეტაპზე იასპარეზებენ. თბილისის ტურის ნახევარფინალში გასული 4 გუნდი ავტომატურად გადადის საქართველოს ფინალში, მომდევნო 4 გუნდი კი 2 საგზურს პლეი აუტის სისტემით გაითამაშებს. თბილისის ტურზე გამოვლინდება ტურის ჩემპიონი გუნდი და საუკეთესო მოთამაშე.

„თბილისი მოლში“ გაიმართება 3X3 კალათბურთში საქართველოს პირველი ეროვნული ჩემპიონატის გახსნა. თამაშები დილის 10 საათიდან დაიწყება, გახსნის საზეიმო ცერემონიალი კი 14:00 საათზეა დაგეგმილი.

ტურნირში მონაწილეებისთვის:

–         დილის 9 საათიდან დაიწყება რეგისტრაცია, რომელზეც აუცილებელია გუნდის მინიმუმ 1 წარმომადგენლის გამოცხადება.

–         ტურნირის ყველა მონაწილემ თან უნდა იქონიოს პირადობის დამადასტურებელი მოწმობა, რომლის გარეშეც რეგისტრაციას ვერ გაივლიან.

–         მოთამაშეებს დაურიგდებათ გუნდის ბეიჯები, რომლის გარეშეც მოედანზე ვერ შევლენ.

superleague.ge

3×3 კალათბურთში საქართველოს ჩემპიონატის ანონსი

Posted on by Levan

3×3 კალათბურთში საქართველოს ჩემპიონატი იწყება

superleague.ge

პირველი ტურნირი გოგონათა 3X3 კალათბურთში დამოუკიდებლობის დღეს გაიმართა

Posted on by Levan

დღეს, 26 მაისს, საქართველოს დამოუკიდებლობის დღეს, რუსთაველის გამზირზე არაერთი სამხედრო, კულტურული და სპორტული ღონისძიება გაიმართა. სასტუმრო “თბილისი მერიოტის” წინამდებარე ტერიტორიაზე სპორტისა და ახალგაზრდობის საქმეთა სამინისტროს ორგანიზებითა და კალათბურთის ეროვნული ფედერაციის მხარდაჭერით საკალათბურთო შეჯიბრი გაიმართა გოგონათა შორის. 3X3 კალათბურთში აქამდე გოგონათა ტურნირი არ გამართულა და ეს გახლდათ ამ მხრივ პირველი შეჯიბრი, რომელიც საქართველოში ჩატარდა.

ტურნირმა საკმაოდ საინტერესოდ ჩაიარა. დამოუკიდებლობის დღესასწაულის აღსანიშნად რუსთავეის გამზირზე გამოსული მოქალაქეები საკალათბურთო მოედანთან ჩერდებოდნენ და თვალს ადევნებდნენ გოგონთა კალათბურთს. მონაწილე 6 გუნდი 2 ჯგუფში იყო განაწილებული. ნახევარფინალში 2-2 საუკეთესო გავიდა.
ნახევარფინალში “ოვერტაიმმა” 7:1 დაამარცხა “ბოლ დანქერსი”, ხოლო “ედევაისმა” “ნექსთ ლეველს” 7:5 სძლია. ფინალურ დაპირისპირებამდე გაიმართა მატჩი მესამე ადგილისთვის, რომელშიც “ნექსთ ლეველმა” დამატებითდროში – 10:8 დაამარცხა “ბოლ დანქერსი”.
ფინალური შეხვედრაც დაძაბული გამოდგა. თანაბარ ბრძოლაში საბოლოოდ გამარჯვება “ოვერტაიმმა” მოიპოვა, რომელმაც ” 6:4 დაამარცხა “ედელვაისი” და ჩემპიონი გახდა. გამარჯვებული გუნდის შემადგენლობა: ვიკა გეგეშიძე, ელენე ილურიძე, ნათია ოთხმეზური და მგდა სვიანაძე.
დაჯილდოვების ცერემონიალზე სამივე პრიზიორ გუნდს მედლები და შესაბამისი სიგელები გადაეცათ. გამარჯვებულები სპორტისა და ახალგაზრდობის სამინისტროს წარმომადგენელმა – პაუნა ფირალიშვილმა დააჯილდოვა.

gbf.ge

სამსუნგი 3×3-ზე კალათბურთში საქართველოს ჩემპიონატის სპონსორი გახდა

Posted on by Levan

“სამსუნგ ელექტრონიქსის” ოფიციალური წარმომადგენლობა საქართველოში 3×3-ზე კალათბურთში ეროვნული ჩემპიონატის გენერალური სპონსორი ხდება. აღსანიშნავია, რომ 3×3 კალათბურთში საქართველოს ჩემპიონატი პირველად ტარდება. აქამდე სპორტის ეს სახეობა 1-2 დღიანი ტურნირებით შემოიფარგლებოდა.

ჩემპიონატი ივნისსა და ივლისში გაიმართება და სრულიად საქართველოს მოიცავს. რეგიონალური ტურნირების გამარჯვებულები ფინალურ ტურში თბილისში დაუპირისპირდებიან ერთმანეთს. ჩემპიონატი ჩატარდება ახალ, ფიბას სტანდარტებით აღჭურვილ სპეციალურ მოედანზე, რომელიც ფედერაციამ სპორტისა და ახალგაზრდობის სამინისტროს დახმარებით შეიძინა და რომელიც მთელი საქართველოს მასშტაბით იმოგზაურებს.

 

გიგა გურგენიძე (3×3 კალათბურთის განყოფილება): სპორტის ეს სახეობა საქართველოში უკვე 8 წელია ვითარდება. შედეგად, ასეთ დიდ გადაწყვეტილებამდე მივედით, როგორიცაა საქართველოს ჩემპიონატის ჩატარება. ჩემპიონატი საქართველოს 11 ქალაქში ჩატარდება. აღსანიშნავია, რომ ფიბა აქტიურად მუშაობს 3×3-ზე კალათბურთის ოლიმპიურ სახეობად ცნობაზე. 

მიხეილ გაბრიჩიზე (კალათბურთის ფედერაციის პრეზიდენტი): ძალიან დიდი მადლობა “სამსუნგს”. 3×3-ზე კალათბურთის განვითარებაში აღნიშნული კომპანია დიდ როლს შეასრულებს. სპორტის ამ სახეობაში უამრავი ახალგაზრდა მოთამაშე ჩაერთვება, რაც საკმაოდ მნიშნველოვანი სოციალური საკითიც არის. 

სანგ პილ ჩანი (სამსუნგის კავკასიის რეგიონალური დირექტორი): მოხარულები ვართ საქართველოს კალათბურთის ფედერაციასთან თანამშრომლობით. ძალიან კარგია, რომ ახალგაზრდებს ვეხმარებით და ამ საქმეს მომავალშიც გავაგრძელებთ. 

 

მემორანდუმის გაფორმების შემდეგ მიხეილ გაბრიჩიძემ სანგ პილ ჩანს 3×3-ზე კალათბურთის 1-ნომრიანი მაისური გადასცა.

IMG_1280IMG_1256IMG_1253IMG_1303IMG_1284

მარიამ ნიშნიანიძის ფოტოები