4 იანვარს, კვიპროსის ჩემპიონატში, “ეთნიკოსმა” საკუთარ მოედანზე “ნეა სალამისი” მიიღო და ფრედ 1:1 ითამაშა.
სტუმართა გუნდის ძირითად შემადგენლობაში იყო ქართველი ფეხბურთელი შოთა გრიგალაშვილი, რომელმაც 43-ე წუთზე ანგარიში გახსნა. 28 წლის ნახევარმცველი 69-ე წუთზე შეცვალეს.
შეხვედრაში საბოლოო ანგარიში 85-ე წუთზე მასპინძელთა ბრაზილიელმა თავდამსხმელმა ვალდომ დააფიქსირა.
შოთა გრიგალაშვილი, რომელიც კარიერას კვიპროსულ “ნეა სალამისში” გააგრძელებს, ახალ კლუბში გუშინ წარადგინეს.
28 წლის ქართველი მოთამაშე სეზონის პირველ ნახევარში ამავე ქვეყნის ლიგაში ასპარეზობდა და “ომონიას” ღირსებას იცავდა. “ნეა სალამისთან” კი კონტრაქტი სეზონის ბოლომდე გააფორმა.
გრიგალაშვილის ახალი კლუბი კვიპროსის 12-გუნდიან ჩემპიონატში 14 ტურის შემდეგ მე-9 პოზიციაზეა.
26 აპრილს, კვიპროსის ჩემპიონატში, “აელმა” საკუთარ მოედანზე “ანორთოსისს” უმასპინძლა და მეტოქე ანგარიშით 4:3 დაამარცხა.
სტუმართა გუნდის ძირითად შემადგენლობაში იყო და შეუცვლელად ითამაშა შოთა გრიგალაშვილმა, რომელმაც შეხვედრაში დუბლის გაფორმება მოახერხა. გრიგალაშვილმა “აელის კარში გოლები 22-ე და 59-ე წუთებზე გაიტანა.
