მილანის “ინტერმა” კატალონიური “ბარსელონას” მცველი მარტინ მონტოია ინათხოვრა. იტალიურ კლუბს ფეხბურთელის სრულად გამოსყიდვის უფლებაც ექნება.
პრესაში გავრცელებული ინფორმაციის თანახმად, “ინტერმა” მონტოიას ერთწლიან იჯარაში 1,5 მილიონი ევრო გადაიხადა, სრულად გამოსყიდვისთვის კი დამატებით 8 მილიონი ევროს გაღება მოუწევს.
მარტინ მონტოიამ ესპანეთის პრიმერადივიზიონის გასულ გათამაშებაში რვა მატჩი ჩაატარა.
„ბარსელონას“ მცველი მარტინ მონტოია თვლის, რომ მის თანაგუნდელ ნეიმარს შეუძლია, რომ ესპანეთის ჩემპიონატის წამყვან თავდამსხმელთათვის კონკურენტი იყოს.
„პრესა წერდა, რომ ნეიმარი გოლებს ვერ იტანს, თუმცა, ბოლო ორ მატჩში მან კრიტიკოსებს პასუხი გასცა. თუ იგი ასე გააგრძელებს, მაშინ, ჩემპიონატის საუკეთესო ბომბარდირის წოდებისთვის ბრძოლასაც შეძლებს. ნეიმარი „ბარსაში“ თამაშით ბედნიერია და მას უხარია, რომ გვეხმარება. იქმნება ისეთ შთაბეჭდილება, თითქოს „ბარსელონაში“ იგი რამდენიმე წლის განმავლობაში იმყოფება“, – განაცხადა მონტოიამ.
ალექსანდრე მატევოსოვი
