“კრისტალ პალასის” შემტევმა ნახევარმცველმა უილფრიდ ზაჰამ მოქალაქეობა შეიცვალა. ფეხბურთელი ამიერიდან ისტორიული სამშობლოს ნაკრების ღირსებას დაიცავს.
შეგახსენებთ, რომ ზაჰა კოტ დივუარში დაიბადა და ადრეულ წლებში ინგლისში გადასახლდა. იგი ინგლისის ასაკობრივ გუნდებში თამაშობდა და ორი ამხანაგური მატჩი ეროვნული ნაკრების შემადგენლობაშიც ჩაატარა. იქიდან გამომდინარე, რომ უილფრიდ ზაჰას ინგლისის მთავარ გუნდში ოფიციალური შეხვედრა ჩატარებული არ აქვს, მას ნაკრების გამოცვლის უფლება ჰქონდა.
მოსალოდნელია, რომ 24 წლის ფეხბურთელი აფრიკის ერთა თასის მოახლოებულ გათამაშებაში მონაწილეობას მიიღებს.
