როგორც საფეხბურთო კლუბ ფოთის “კოლხეთის” ოფიციალური გვერდი იტყობინება, ამავე გუნდის აკადემიაში დიდი ტრაგედია დატრიალდა. 2002 წელს დაბადებულ ფეხბურთელთა გუნდის წევრი, 14 წლის გიორგი გოგია ზღვაში დაიხრჩო.
Fanebi.Com-ი უსამძიმრებს დაღუპულის ოჯახის წევრებს…
20 იანვარს აფრიკის თასზე კოტდიუვარისა და გვინეის ნაკრებებს შორის გამართული შეხვედრა ფრედ 1:1 დასრულდა.
მატჩის მიმდინარეობისას გვინეაში ძალიან სამწუხარო რამ მოხდა. საქმე იმაში გახლავთ, რომ ქვეყნის დედაქალაქ კონკარიში გვინეელი გულშემატკივრები თავიანთი ნაკრების საგულშემატკივროდ ერთ სახლში შეიკრიბნენ. როგორც გაირკვა, ოთახში ყუმბარა აფეთქდა, რასაც ერთი ადამიანის სიცოცხლე ემსხვერპლა.
მომხდართან დაკავშირებით ორი ვერსია არსებობს. პირველი ვერსიის თანახმად, ოთახში ყუმბარა შემთხვევით აფეთქდა. მეორე ვერსიის თანახმად, იმის შემდეგ, რაც კოტდიუვარის ნაკრებმა შეხვედრაში ანგარიში გაათანაბრა, ერთ-ერთმა გაბრაზებულმა გულშემატკივარმა ყუმბარა ააფეთქა.
ბრაზილიის ეროვნული ნაკრების 15 წლის ნეპალელმა გულშემატკივარმა პრაგია ტაპამ გერმანიის ნაკრებთან მარცხის შემდეგ თავი მოიკლა.
“მას ძალიან უნდოდა, რომ ბრაზილიის ნაკრები მუნდიალის ფინალში გასულიყო, მაგრამ გერმანელებმა ბრაზილიელების დამარცხება მოახერხეს. ამის შემდეგ, რამდენიმე მეგობარმა გოგონას დაცინვა დაუწყო. სამწუხაროდ, მან თავი ჩამოიხრჩო”, – ამბობს პოლიციის ოფიცერი.
პრაგია ნეპალის დედაქალაქ კატმანდუდან დაახლოებით 400 კილომეტრის მოშორებით, დედასთან, ბებიასთან და ბაბუასთან ერთად ცხოვრობდა.
გოგონა თავის ოთახში დედამისმა იპოვა.
10 მაისს, ინდონეზიის რანგით მეორე დივიზიონში, “პერსირაჯამ” საკუთარ მოედანზე “სიგლი” მიიღო და მეტოქე ანგარიშით 1:0 დაამარცხა.
ეს მატჩი ფეხბურთის ისტორიაში ძალიან სამწუხარო მიზეზის გამო შევიდა. მატჩის მიმდინარეობისას “სიგლის” მეკარემ “პერსირაჯას” თავდამსხმელის აკლი ფაირუზის წინააღმდეგ ძალიან უხეშად იმოქმედა.
მიუხედავად იმისა, რომ აკლი ფაირუზს შეცვლა ესაჭიროებოდა, ის ამის აუცილებლობას ვერ ხედავდა. საბოლოოდ, ის მოედნიდან მაინც გაიყვანეს. როცა ფაირუზი სათადარიგოთა სკამზე იჯდა, მისი ჯანმრთელობის მდგომარეობა გაუარესდა, რის გამოც საავადმყოფოში გადაიყვანეს. სამწუხაროდ, ისე მოხდა, რომ რამდენიმე დღეში ფეხბურთელი გარდაიცვალა.
