ინგლისის პრემიერ ლიგის ოფიციალური ვებ-გვერდის ცნობით, ფრენკ ლამპარდი ლონდონის “ჩელსის” ფეხბურთელი აღარ არის.
35 წლის ლამპარდი, ეშლი კოულთან, სამუელ ეტოოსთან და მარკ შვარცერთან ერთად, იმ მოთამაშეებს შორის მოხვდა, რომლებიც თავისუფალი აგენტები გახდნენ.
შეგახსნებთ, რომ ლამპარდი “ჩელსიში” 2001 წელს, “ვესტ ჰემიდან” გადავიდა. გამოცდილმა ნახევარმცველმა ლონდონელებთან ერთად არაერთი ტიტული მოიგო. “ჩელსიში” ჩატარებული მატჩების რაოდენობით კი, ლამპარდი კლუბის ისტორიაში მესამე პოზიციას იკავებს.
