ჭდე: გორგოძე

28 თებერვალს, ქართველმა გულშემატკივრებმა საზოგადოებრივი მაუწყებლის სპორტული რედაქციის მიერ მომზადებული ახალი დოკუმენტური ფილმი “მეშვიდე ერი” იხილეს.

ფილმი ქართველ მორაგბეებზე, საქართველოს ნაკრების მზადების პროცესსა და გუნდის შიდა სამზარეულოზეა გადაღებული.

ასევე, ფილმში აღბეჭდილია, თუ როგორ მიმართავს ნაკრების კაპიტანი, მამუკა გორგოძე თანაგუნდელებს სამოასთან შეხვედრის დაწყებამდე რამდენიმე წუთით ადრე.

შეგახსენებთ, რომ 19 ნოემბერს, “ბორჯღალოსნებმა” სამოა “მიხეილ მესხზე”, ანგარიშით 20:16 დაამარცხეს.

იხილეთ ვიდეო

21 ოქტომბერს, ჩემპიონთა თასის მეორე ტურში “ტულონი” სტუმრად “სეილ შარქსს” დაუპირისპირდა და მეტოქე ანგარიშით 15:5 დაამარცხა.

მამუკა გორგოძე და ლევან ჩილაჩავა “ტულონის” ძირითად შემადგენლობაში იყვნენ, მამუკამ მატჩი სრულად ჩაატარა, ხოლო ჩილაჩავა 58-ე წუთზე შეცვალეს.

აღსანიშნავია, რომ შეხვედრის საუკეთესო მოთამაშედ მამუკა გორგოძე დასახელდა, რომელმაც პრიზის მიღების შემდეგ თქვა, რომ მას ის არ ეკუთვნოდა.

“მე არ ვფიქრობ, რომ მატჩის საუკეთესო მორაგბე ვარ. ჩემი აზრით, ცუდად ვითამაშე”, – განაცხადა “გორგოძილამ”.

19 მარტს, რაგბი ევროპის გათამაშებაში, საქართველოს ნაკრები თბილისში რუმინეთის ნაკრებს დაუპირისპირდა და მეტოქე ანგარიშით 38:9 დაამარცხა.

მატჩის მიწურულს შეხვედრის საუკეთესო მოთამაშის ვინაობა გახდა ცნობილი. საქართველო – რუმინეთის მატჩის საუკეთესო მორაგბე მამუკა გორგოძე გახდა.

12 მარტს, საფრანგეთის TOP 14-ში, “ტულონმა” საკუთარ მოედანზე “გრენობლი” მიიღო და მეტოქე ანგარიშით 38:8 დაამარცხა.

“ტულონის” რიგებში სამმა ქართველმა მორაგბემ ითამაშა. ძირითად შემადგენლობაში იყო მამუკა გორგოძე, ხოლო ლევან ჩილაჩავა და იური ნატრიაშვილი მოედანზე მეორე ტაიმში გამოჩნდნენ. რაც შეეხება კოტე მიქაუტაძეს, ის სოჭში, რუსეთის ნაკრების წინააღმდეგ თამაშობდა.

თავიდანვე ცნობილი იყო, რომ გუნდის მთავარმა მწვრთნელმა, ბერნარ ლაპორტმა სხვა მორაგბეების ტრავმების გამო, მამუკა გორგოძე მეორე ხაზში გადაიყვანა. თავად “გორგოძილამ” კი დაკისრებულ ამოცანას თავი ბრწყინვალედ გაართვა და ისიც მოახერხა, რომ მატჩის საუკეთესო მოთამაშე გახდა.

ამ გამარჯვების შემდეგ, “ტულონი” ჩემპიონატის ცხრილში მესამე პოზიციას იკავებს.

უელსულმა პორტალმა WalesOnline.co.uk-მა ამ დროისათვის პლანეტის 50 საუკეთესო მორაგბე დაასახელა. აღსანიშნავია, რომ საუკეთესოთა შორის საქართველოს ნაკრების კაპიტანი მამუკა გორგოძე მოხვდა.

მოგეხსენებათ, ბოლო წლებში, მამუკა მსოფლიოში ერთ-ერთი ყველაზე გამორჩეული მოთამაშეა. უელსურმა გამოცემამ ის 34-ე პოზიციაზე დააყენა.

რაც შეეხება საუკეთესო ათეულს, ის ასე გამოიყურება:

10. ისრაელ ფოლაუ (ავსტრალია)
9. აარონ სმიტი (ახალი ზელანდია)
8. მიშელ ჰუპერი (ავსტრალია)
7. ალუნ ვინ ჯონსი (უელსი)
6. შალკ ბურგერი (სამხრეთ აფრიკა)
5. ბრაიან ჰაბანა (სამხრეთ აფრიკა)
4. ჟულიან სავეა (ახალი ზელანდია)
3. სერხიო პარიზე (იტალია)
2. დევიდ პოკოკი (ავსტრალია)
1. დენ კარტერი (ახალი ზელანდია)

10 იანვარს, ჩემპიონთა თასზე, ქართველების “ტულონმა” საკუთარ მოედანზე “ბათი” მიიღო და მეტოქე ანგარიშით 12:9 დაამარცხა.

შეხვედრის მე-20 წუთზე მოედანზე სიტუაცია დაიძაბა და მორაგბეებს შორის არეულობა მოხდა, თუმცა ყველაფერი მალე მოგვარდა.

ცნობისთვის, ქართველთაგან “ტულონის რიგებში ჩილაჩავამ და მიქაუტაძემ ითამაშეს. რაც შეეხება გორგოძეს, ის განაცხადში არ ყოფილა.

ინტერნეტ-სივრცეში გავრცელდა ვიდეო, რომელჩიც აღბეჭდილია, თუ როგორ ხვდებიან “ტულონის” გულშემატკივრები ვარჯიშზე მიმავალ მამუკა გორგოძეს.